HuuliTech

Төрийн болон орон нутгийн өмчит компанийн засаглалын тухай

11 дүгээр зүйл.Төрийн болон орон нутгийн өмчийн компанийн охин компани, салбар, төлөөлөгчийн газар

Эхэд тэмдэглэсэн төлөв
Мөрдөх хугацааны нөхцөлтэй
Баталсан
Сангийн хувилбар нийтэлсэн

Commencement: 2027.01.01 (article 51.1). Transitional rules: restructuring within one year after commencement (50.1); local entities alignment by 2028.01.01 (50.3); article 24 phased implementation through 2028.04.30 (50.4). Энэ хуулийн зорилт нь төрийн болон орон нутгийн өмчит компани үүсгэн байгуулах үндэслэл, журмыг тогтоох, компанийн үйл ажиллагаанд баримтлах зарчим, удирдлага, зохион байгуулалт, засаглалыг сайжруулах, хяналтыг хэрэгжүүлэх, ил тод байдлыг хангахтай холбогдсон харилцааг зохицуулахад оршино.

Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.

Legalinfo.mn дээрх албан эх
#

11.1.Төрийн өмчийн компани охин компани үүсгэн байгуулах тохиолдолд Засгийн газар, орон нутгийн өмчийн компани охин компани үүсгэн байгуулах тохиолдолд тухайн шатны иргэдийн Төлөөлөгчдийн Хурал энэ хуулийн 9.3-т заасан баримт бичгийг үндэслэн шийдвэр гаргана.

#

11.2.Төрийн болон орон нутгийн өмчийн компани бусад этгээдтэй хамтран хараат болон охин компани үүсгэн байгуулах асуудлыг энэ хуулийн 8.1-д заасан үндэслэлийн дагуу энэ хуулийн 9.4-т заасан судалгаа, шинжилгээ болон Засгийн газрын зөвшөөрлийн дагуу Компанийн тухай хуульд заасны дагуу шийдвэрлэнэ.

#

11.3.Энэ хуулийн 11.1, 11.2-т заасны дагуу үүсгэн байгуулсан охин, хараат компани дахь төрийн болон орон нутгийн эзэмшлийн хувьцааг толгой компани эзэмшинэ.

#

11.4.Төрийн болон орон нутгийн өмчийн компанийн салбар, төлөөлөгчийн газар байгуулах асуудлыг Компанийн тухай хуульд заасны дагуу зохицуулна.

#

ГУРАВДУГААР БҮЛЭГ

#

ХУВЬ НИЙЛҮҮЛСЭН ХӨРӨНГӨ, ХУВЬЦАА, НОГДОЛ АШИГ

Энэ зүйлд иш татсан заалтууд

Энэ зүйлийг иш татсан заалтууд