18 дугаар зүйл.Эрүүл мэндийн асуудал эрхэлсэн төрийн захиргааны төв байгууллагын чиг үүрэг

18.1.Эрүүл мэндийн асуудал эрхэлсэн төрийн захиргааны төв байгууллага эрхтэн, эд, эсийг шилжүүлэн суулгах тусламж, үйл ажиллагааны талаар дараах чиг үүргийг хэрэгжүүлнэ:

18.1.1.эрхтэн, эд, эс шилжүүлэн суулгах хууль тогтоомжийн хэрэгжилтийг хангах;

18.1.2.эрхтэн, эд, эсийг шилжүүлэн суулгах тусламж, үйлчилгээний талаар баримтлах бодлого, төлөвлөлт, арга хэмжээ, хөтөлбөр боловсруулах, биелэлтийг хангуулах;

18.1.3.энэ хуульд заасан холбогдох үйл ажиллагааг хэрэгжүүлэхэд шаардлагатай төсвийг эрхтэн, эд, эс шилжүүлэн суулгах асуудал хариуцсан эрүүл мэндийн байгууллагын саналыг үндэслэн эрх бүхий байгууллагаар шийдвэрлүүлэх;

18.1.4.эрхтэн, эд, эсийг шилжүүлэн суулгах цогц үйл ажиллагаа, эмнэлгийн тусламж, үйлчилгээтэй холбогдох дүрэм, журам, заавар батлах, тэдгээрийн хэрэгжилтэд нь хяналт тавих;

18.1.5.эрхтэн, эд, эс шилжүүлэн суулгах үйл ажиллагааг хэрэгжүүлэхтэй холбоотойгоор мэргэжилтэн бэлтгэх, мэдлэг боловсрол, ур чадварыг дээшлүүлэх сургалтад хамруулах, эдгээртэй холбоотой зардлыг шийдвэрлэх, бодлогоор дэмжиж ажиллах;

18.1.6.хуульд заасан бусад чиг үүрэг.

18.2.Эрүүл мэндийн асуудал эрхэлсэн төрийн захиргааны төв байгууллагын дэргэд эрхтэн, эд, эс шилжүүлэн суулгах тусламж, үйлчилгээний асуудлаар мэргэжил, ёс зүйн хороо ажиллах бөгөөд тус хорооны дүрэм, бүрэлдэхүүнийг эрүүл мэндийн асуудал эрхэлсэн Засгийн газрын гишүүн батална.

18.3.Эрхтэн, эд, эс шилжүүлэн суулгах асуудал хариуцсан эрүүл мэндийн байгууллагын бүтэц, дүрмийг эрүүл мэндийн асуудал эрхэлсэн Засгийн газрын гишүүн батална.