Мэргэжлийн нэгдсэн холбооны эрх зүйн байдлын тухай

8 дугаар зүйл.Мэргэжлийн нэгдсэн холбоог бүртгэх, бүртгэхээс татгалзах

Эхэд тэмдэглэсэн төлөв
Албан эхэд хүчинтэй
Баталсан
Сангийн хувилбар нийтэлсэн

Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.

Legalinfo.mn дээрх албан эх
#

8.1.Улсын бүртгэлийн байгууллага энэ хуулийн 7.1, 7.2-т заасан хугацаанд мэргэжлийн нэгдсэн холбоог бүртгэх, эсхүл бүртгэхээс татгалзах тухай шийдвэр гаргана. /Энэ хэсгийн "...Улсын дээд шүүх..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр 2026 оны 02 дугаар сарын 27-ны өдрөөс эхлэн түдгэлзүүлсэн/ /Энэ хэсгийн "...Улсын дээд шүүх..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр Үндсэн хууль зөрчсөн байна гэснийг Монгол Улсын Их Хурлын 2026 оны 04 дүгээр сарын 17-ны өдрийнн 10 дугаар тогтоолоор хүлээн зөвшөөрсөн./ /Энэ хэсэгт 2026 оны 05 дугаар сарын 08-ны өдрийн хуулиар өөрчлөлт оруулсан./

#

8.2.Улсын бүртгэлийн байгууллага энэ хуулийн 8.1-д заасан шийдвэр гарсан өдрөөс хойш ажлын гурван өдрийн дотор хүсэлт гаргагчид уг шийдвэрийг бичгээр, эсхүл цахим хэлбэрээр хүргүүлнэ. /Энэ хэсгийн "...Улсын дээд шүүхийн Тамгын газар..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр 2026 оны 02 дугаар сарын 27-ны өдрөөс эхлэн түдгэлзүүлсэн/ /Энэ хэсгийн "...Улсын дээд шүүхийн Тамгын газар..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр Үндсэн хууль зөрчсөн байна гэснийг Монгол Улсын Их Хурлын 2026 оны 04 дүгээр сарын 17-ны өдрийнн 10 дугаар тогтоолоор хүлээн зөвшөөрсөн./ /Энэ хэсэгт 2026 оны 05 дугаар сарын 08-ны өдрийн хуулиар өөрчлөлт оруулсан./

#

8.3.Мэргэжлийн нэгдсэн холбоог бүртгэх шийдвэр гарснаас хойш ажлын таван өдрийн дотор улсын бүртгэлийн байгууллага хүсэлт гаргагчид гэрчилгээ, тамга, тэмдгийн хяналтын дугаар олгоно. Гэрчилгээ нь цахим хэлбэртэй байж болно. /Энэ хэсгийн "...Улсын дээд шүүхийн Тамгын газар..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр 2026 оны 02 дугаар сарын 27-ны өдрөөс эхлэн түдгэлзүүлсэн/ /Энэ хэсгийн "...Улсын дээд шүүхийн Тамгын газар..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр Үндсэн хууль зөрчсөн байна гэснийг Монгол Улсын Их Хурлын 2026 оны 04 дүгээр сарын 17-ны өдрийнн 10 дугаар тогтоолоор хүлээн зөвшөөрсөн./ /Энэ хэсэгт 2026 оны 05 дугаар сарын 08-ны өдрийн хуулиар өөрчлөлт оруулсан /

#

8.4.Улсын бүртгэлийн байгууллага дараах үндэслэлээр мэргэжлийн нэгдсэн холбоог бүртгэхээс татгалзана: /Энэ хэсгийн "...Улсын дээд шүүх..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр 2026 оны 02 дугаар сарын 27-ны өдрөөс эхлэн түдгэлзүүлсэн/ /Энэ хэсгийн "...Улсын дээд шүүх..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр Үндсэн хууль зөрчсөн байна гэснийг Монгол Улсын Их Хурлын 2026 оны 04 дүгээр сарын 17-ны өдрийнн 10 дугаар тогтоолоор хүлээн зөвшөөрсөн./ /Энэ хэсэгт 2026 оны 05 дугаар сарын 08-ны өдрийн хуулиар өөрчлөлт оруулсан /

#

8.4.1.мэргэжлийн нэгдсэн холбооны дүрэм нь Монгол Улсын Үндсэн хууль болон бусад хуульд харшилсан;

#

8.4.2.энэ хуулийн 9.1, 9.2-т заасныг зөрчсөн;

#

8.4.3.энэ хуулийн 6.3.5-д заасан баримт бичиг шаардлага хангаагүй, эсхүл бүрдэл дутуу бол.

#

8.5.Нэмэгдсэн өртгийн албан татварын тухай хуулийн 8.2-т заасан "Эдийн засгийн бүх төрлийн үйл ажиллагааны салбарын ангилал"-д хамаарах салбар, дэд салбар бүрд нэг хүртэл мэргэжлийн нэгдсэн холбоо байна.

#

8.6.Улсын бүртгэлийн байгууллага энэ хуулийн 8.1-д заасан шийдвэр гаргахаас өмнө хүсэлт гаргагч, өрсөлдөөний асуудал хариуцсан төрийн захиргааны байгууллага болон бусад этгээдээс тайлбар авах, нэмэлт баримт бичиг, лавлагаа, мэдээлэл гаргуулах, шинжээч томилон ажиллуулж болно. /Энэ хэсгийн "...Улсын дээд шүүх..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр 2026 оны 02 дугаар сарын 27-ны өдрөөс эхлэн түдгэлзүүлсэн/ /Энэ хэсгийн "...Улсын дээд шүүх..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр Үндсэн хууль зөрчсөн байна гэснийг Монгол Улсын Их Хурлын 2026 оны 04 дүгээр сарын 17-ны өдрийнн 10 дугаар тогтоолоор хүлээн зөвшөөрсөн./ /Энэ хэсгийг 2026 оны 05 дугаар сарын 08-ны өдрийн хуулиар өөрчлөн найруулсан./

#

8.7.Мэргэжлийн нэгдсэн холбоог бүртгэхтэй холбогдсон журмыг улсын бүртгэлийн асуудал эрхэлсэн төрийн захиргааны байгууллагын саналыг үндэслэн Засгийн газар батална. /Энэ хэсгийн "...Улсын дээд шүүх..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр 2026 оны 02 дугаар сарын 27-ны өдрөөс эхлэн түдгэлзүүлсэн/ /Энэ хэсгийн "...Улсын дээд шүүх..." гэснийг Үндсэн хуулийн цэцийн 2026 оны 02 дугаар сарын 27-ны өдрийн 02 дүгнэлтээр Үндсэн хууль зөрчсөн байна гэснийг Монгол Улсын Их Хурлын 2026 оны 04 дүгээр сарын 17-ны өдрийнн 10 дугаар тогтоолоор хүлээн зөвшөөрсөн./ /Энэ хэсгийг 2026 оны 05 дугаар сарын 08-ны өдрийн хуулиар өөрчлөн найруулсан./

Энэ зүйлд иш татсан заалтууд

Энэ зүйлийг иш татсан заалтууд