HuuliTech

Монгол улсын засаг захиргаа, нутаг дэвсгэрийн нэгж, түүний удирдлагын тухай /шинэчилсэн найруулга/

27 дугаар зүйл.Нэгжийн удирдлагаар төлөөлөн гүйцэтгүүлэх төрийн чиг үүрэг

Эхэд тэмдэглэсэн төлөв
Албан эхэд хүчинтэй
Баталсан
Сангийн хувилбар нийтэлсэн

Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.

Legalinfo.mn дээрх албан эх
#

27.1.Энэ хуулийн 27.5-д заасан төрийн зарим чиг үүргийг хууль, нийтийн эрх зүйн гэрээний үндсэн дээр засаг захиргаа, нутаг дэвсгэрийн нэгжийн удирдлагаар төлөөлөн гүйцэтгүүлэхээр шилжүүлж болно.

#

27.2.Энэ хуулийн 27.1-д заасан нэгжийн удирдлагад төрийн зарим чиг үүргийг төлөөлөн гүйцэтгүүлэхээр шилжүүлэхдээ тухайн чиг үүргийг гүйцэтгэхэд шаардагдах хөрөнгийн эх үүсвэрийг хамтад нь шийдвэрлэнэ.

#

27.3.Өөр өөр шатны засаг захиргаа, нутаг дэвсгэрийн нэгжид төрийн зарим чиг үүргийг төлөөлөн гүйцэтгүүлэхээр шилжүүлэхдээ түүний хүрээ, хязгаарлалтыг нэгж тус бүрээр тодорхойлж, тайлагнах, хяналт тавих журмыг хууль, гэрээнд тодорхой заана.

#

27.4.Энэ хуулийн 27.1-д заасны дагуу төрийн зарим чиг үүргийг төлөөлөн гүйцэтгүүлэхээр шилжүүлэхдээ нэгж тус бүрийн чиг үүрэг, онцлогийг харгалзана.

#

27.5.Засаг захиргаа, нутаг дэвсгэрийн нэгжийн удирдлагаар дараах төрийн чиг үүргийг төлөөлөн гүйцэтгүүлнэ:

#

27.5.1.улсын бүртгэл;

#

27.5.2.сургуулийн өмнөх боловсрол;

#

27.5.3.ерөнхий боловсрол;

#

27.5.4.эрүүл мэндийн анхан шатны тусламж үйлчилгээ;

#

27.5.5.хүн амын хөгжил, хамгааллын үйлчилгээ;

#

27.5.6.нийгмийн халамжийн үйлчилгээг үзүүлэх, зохион байгуулах;

#

27.5.7.хөдөлмөр эрхлэлтийг дэмжих, ядуурлыг бууруулах хөтөлбөр, түүний хэрэгжилт;

#

27.5.8.соёлын үйлчилгээ;

#

27.5.9.нийтийн биеийн тамир;

#

27.5.10.байгаль орчныг хамгаалах, орчны бохирдол, нөхөн сэргээлт;

#

27.5.11.бэлчээрийн менежмент;

#

27.5.12.малын тэжээлийн нөөц бүрдүүлэлт;

#

27.5.13.үйлдвэрлэлийн зориулалттай усан хангамж;

#

27.5.14.мал, амьтны халдварт, шимэгчлэх өвчинтэй тэмцэх, хортон шавжийн устгал, хяналт, түүний гамшгаас урьдчилан сэргийлэх, хор хохирлыг арилгах, мал эмнэлгийн үйлчилгээ;

#

27.5.15.шинээр байгуулах дэд бүтэц;

#

27.5.16.эрчим хүч, өндөр хүчдэлийн болон цахилгаан, дулааны шугам, дэд өртөөний ашиглалт, засвар үйлчилгээ, хэвийн үйл ажиллагааг хангах бусад үйл ажиллагаа;

#

27.5.17.газрын харилцаа, газар зохион байгуулалт, төлөвлөлт, хяналт;

#

27.5.18.мэргэжлийн хяналт;

#

27.5.19.түүхэн дурсгалт зүйлийн хамгаалалт;

#

27.5.20.онцгой байдлын болон гамшгаас урьдчилан сэргийлэх үйл ажиллагаа;

#

27.5.21.гэмт хэргээс урьдчилан сэргийлэх, нийгмийн хэв журам сахиулах үйл ажиллагаа;

#

27.5.22.хэрэглэгчийн эрхийг хамгаалах үйл ажиллагаа;

#

27.5.23.нийслэлийн ерөнхий болон хэсэгчилсэн төлөвлөгөө, хэрэгжилт, хяналт;

#

27.5.24.орон нутгийн хамгаалалт;

#

27.5.25.архивын ажил үйлчилгээ, төрийн архивын баримтын хадгалалт, хамгаалалт, бүрдүүлэлт, ашиглалт;

#

27.5.26.ургамлын хорио цээртэй хөнөөлт организмтай тэмцэх арга хэмжээ; /Энэ заалтыг 2024 оны 06 дугаар сарын 05-ны өдрийн хуулиар нэмсэн./

#

27.5.27.хууль тогтоомжид заасан бусад чиг үүрэг. /Энэ заалтын дугаарт 2024 оны 06 дугаар сарын 05-ны өдрийн хуулиар өөрчлөлт оруулсан./

#

ХОЁРДУГААР ДЭД БҮЛЭГ

#

НУТГИЙН ӨӨРИЙН УДИРДЛАГА

Энэ зүйлд иш татсан заалтууд

Энэ зүйлийг иш татсан заалтууд