Монгол улсын их хурлын сонгуулийн тухай
59 дүгээр зүйл.Саналын хуудас
- Эхэд тэмдэглэсэн төлөв
- Албан эхэд хүчинтэй
- Баталсан
- Сангийн хувилбар нийтэлсэн
Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.
59.1.Саналын хуудас сонгогчоос саналаа илэрхийлэх, сонгуулийн дүн гаргах үндсэн баримт бичиг бөгөөд дараах шаардлагыг хангасан байна:
59.1.1.агуулга, бичилт, хэлбэрийн хувьд сонгогчоос саналаа илэрхийлэхэд хялбар, ойлгомжтой;
59.1.2.сонгогч саналаа тэмдэглэх тухай заавар агуулсан.
59.2.Саналын хуудаст нэр дэвшигчийн эцэг /эх/-ийн нэрийг жижиг үсгээр, өөрийнх нь нэрийг том үсгээр бичих ба нам, эвсэл нэр дэвшүүлсэн бол тухайн нам, эвслийн нэрийг бичнэ.
59.3.Саналын хуудас нь тусгай нууцлалтай байх бөгөөд аймаг, дүүргийн хэмжээнд нэгдсэн дугаартай байна.
59.4.Саналын хуудас нь дараах хэсэгтэй байна: /Энэ хэсгийг 2023 оны 06 дугаар сарын 16-ны өдрийн хуулиар нэмсэн./
59.4.1.энэ хуулийн 4.3.1-д заасан сонгуулийн тойрогт нэр дэвшигчид өгсөн саналыг тэмдэглэх; /Энэ заалтыг 2023 оны 06 дугаар сарын 16-ны өдрийн хуулиар нэмсэн./
59.4.2.энэ хуулийн 4.3.2-т заасан нам, эвсэлд өгсөн саналыг тэмдэглэх. /Энэ заалтыг 2023 оны 06 дугаар сарын 16-ны өдрийн хуулиар нэмсэн./
Энэ зүйлд иш татсан заалтууд
- Монгол улсын их хурлын сонгуулийн тухай: 4 дүгээр зүйл.Монгол Улсын Их Хурлын сонгууль
Ишлэлийн эх
энэ хуулийн 4.3.1-д заасан сонгуулийн тойрогт нэр дэвшигчид өгсөн саналыг тэмдэглэх;
- Монгол улсын их хурлын сонгуулийн тухай: 4 дүгээр зүйл.Монгол Улсын Их Хурлын сонгууль
Ишлэлийн эх
энэ хуулийн 4.3.2-т заасан нам, эвсэлд өгсөн саналыг тэмдэглэх.
Энэ зүйлийг иш татсан заалтууд
- Монгол улсын их хурлын сонгуулийн тухай: 66 дугаар зүйл.Сонгогч саналаа өгөх
Ишлэлийн эх
энэ хуулийн 59.4.2-т заасан хэсэгт нэг нам, эвсэлд саналаа өгнө.
- Монгол улсын их хурлын сонгуулийн тухай: 66¹ дүгээр зүйл.Гадаад улсад байгаа сонгогч санал өгөх /Энэ зүйлийг 2023 оны 06 дугаар сарын 16-ны өдрийн хуулиар нэмсэн./
Ишлэлийн эх
энэ хуулийн 59.4.2-т заасан хэсэгт саналаа өгнө.