Эрүүгийн хэрэг хянан шийдвэрлэх тухай /шинэчилсэн найруулга/
35.14 дүгээр зүйл.Гэрчийн мэдүүлгийг сонсох
- Эхэд тэмдэглэсэн төлөв
- Албан эхэд хүчинтэй
- Баталсан
- Сангийн хувилбар нийтэлсэн
Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.
1.Талуудын хүсэлтээр шүүх хуралдаанд оролцуулахаар шийдвэрлэсэн гэрчийг дуудан ирүүлж, шүүх хуралдаанд биечлэн оролцуулж мэдүүлэг авна.
2.Гэрчээс мэдүүлэг авахуулахаар санал, хүсэлт гаргасан талын, эсхүл санал, хүсэлт гаргаагүй бол яллах талын гэрчээс эхэлж мэдүүлэг авч, асуулт тавина.
3.Талууд шүүх хуралдаан даргалагчийн тогтоосон дарааллын дагуу гэрчээс мэдүүлэг авахад энэ хуулийн 35.8 дугаар зүйлийн 6, 7, 8, 9, 10, 11, 12 дахь хэсэгт заасан журмыг баримтална.
4.Бусад гэрчээс мэдүүлэг авах үед шүүх хуралдааны танхимд байсан гэсэн үндэслэлээр тухайн гэрчээс мэдүүлэг авахаас татгалзаж болохгүй.
5.Гэрчээс мэдүүлэг авч дууссаны дараа түүнийг танхимд суулгаж болох ба шаардлагатай гэж үзвэл түүнээс дахин мэдүүлэг авч болно.
Энэ зүйлд иш татсан заалтууд
- Эрүүгийн хэрэг хянан шийдвэрлэх тухай /шинэчилсэн найруулга/: 35.8 дугаар зүйл.Шүүхийн хэлэлцүүлэг
Ишлэлийн эх
энэ хуулийн 35.8 дугаар зүйлийн 6, 7, 8, 9, 10, 11, 12 дахь хэсэгт заасан журмыг баримтална.
Энэ зүйлийг иш татсан заалтууд
- Эрүүгийн хэрэг хянан шийдвэрлэх тухай /шинэчилсэн найруулга/: 35.10 дугаар зүйл.Хохирогч, иргэний нэхэмжлэгч, иргэний хариуцагчийн мэдүүлгийг сонсох
Ишлэлийн эх
энэ хуулийн 35.14, 35.15 дугаар зүйлд заасан журмын дагуу хохирогч, иргэний нэхэмжлэгч, иргэний хариуц
- Эрүүгийн хэрэг хянан шийдвэрлэх тухай /шинэчилсэн найруулга/: 35.19 дүгээр зүйл.Эд мөрийн баримт, бичмэл нотлох баримтыг шинжлэн судлах
Ишлэлийн эх
энэ хуулийн 35.11, 35.12, 35.13, 35.14, 35.15, 35.16, 35.17 дугаар зүйлд заасан журмыг баримтална.
- Эрүүгийн хэрэг хянан шийдвэрлэх тухай /шинэчилсэн найруулга/: 35.20 дугаар зүйл.Мөрдөн шалгах ажиллагааны дүнг шинжлэн судлах
Ишлэлийн эх
энэ хуулийн 35.11, 35.12, 35.13, 35.14, 35.15, 35.16, 35.17 дугаар зүйлд заасан журмыг баримтална.
- Эрүүгийн хэрэг хянан шийдвэрлэх тухай /шинэчилсэн найруулга/: 35.21 дүгээр зүйл.Шинжээчийн дүгнэлтийг шинжлэн судлах, шинжээчээс мэдүүлэг авах, нэмэлт шинжилгээ хийлгэх
Ишлэлийн эх
энэ хуулийн 35.11, 35.12, 35.13, 35.14, 35.15, 35.16, 35.17 дугаар зүйлд заасан журмыг баримтална.
- Эрүүгийн хэрэг хянан шийдвэрлэх тухай /шинэчилсэн найруулга/: 39.8 дугаар зүйл.Эрүүгийн хэрэг хянан шийдвэрлэх тухай хууль ноцтой зөрчих
Ишлэлийн эх
энэ хуулийн 35.14, 35.15 дугаар зүйлд заасныг зөрчсөн;