HuuliTech

Эрүүгийн хэрэг хянан шийдвэрлэх тухай /шинэчилсэн найруулга/

35.10 дугаар зүйл.Хохирогч, иргэний нэхэмжлэгч, иргэний хариуцагчийн мэдүүлгийг сонсох

Эхэд тэмдэглэсэн төлөв
Албан эхэд хүчинтэй
Баталсан
Сангийн хувилбар нийтэлсэн

Legalinfo.mn-ийн эх бичвэрийн унших хувилбар. Хамгийн сүүлийн өөрчлөлт, мөрдөх хугацааг албан эхээс шалгана уу.

Legalinfo.mn дээрх албан эх
#

1.Шүүгдэгчийн мэдүүлгийг сонсч дууссаны дараа энэ хуулийн 35.14, 35.15 дугаар зүйлд заасан журмын дагуу хохирогч, иргэний нэхэмжлэгч, иргэний хариуцагчийн мэдүүлгийг сонсоно.

#

2.Хэрэг бүртгэлт, мөрдөн байцаалтын үед гаргасан мэдүүлэг нь шүүхэд гаргасан мэдүүлгээс ноцтой зөрсөн, хохирогч, иргэний нэхэмжлэгч, иргэний хариуцагч шүүх хуралдаанд ирээгүй бол хэрэг бүртгэлт, мөрдөн байцаалтын үед түүний гаргасан мэдүүлгийг уншиж сонсгоно.

#

3.Арван зургаан насанд хүрээгүй хохирогчийг шүүх хуралдаанд оролцуулах нь түүний эрх ашигт сөргөөр нөлөөлөхөөр бол энэ хуулийн 35.17 дугаар зүйлд заасан журмын дагуу түүнийг шүүхэд ирүүлэхгүйгээр урьд өгсөн мэдүүлгийг шинжлэн судалж, эсхүл шүүгчийн захирамжаар дуу-дүрсний төхөөрөмж ашиглан шүүх хуралдаанд оролцуулах замаар мэдүүлэг авч, асуулт тавьж, хариулт авч болно. /Энэ хэсгийг 2026 оны 07 дугаар сарын 03-ны өдрийн хуулиар нэмсэн бөгөөд 2026 оны 11 дүгээр сарын 01-ний өдрөөс эхлэн дагаж мөрдөнө./

Энэ зүйлд иш татсан заалтууд

Энэ зүйлийг иш татсан заалтууд

Энэ сангийн бүртгэлд холбогдох ишлэл байхгүй.