23 дугаар зүйл.Ойн мэргэжлийн байгууллага, түүний үйл ажиллагааны чиглэл /Энэ зүйлийг 2026 оны 07 дугаар сарын 03-ны өдрийн хуулиар өөрчлөн найруулсан/

23.1.Ойн мэргэжлийн байгууллага нь ойн тооллого, ой зохион байгуулалт хийх, мод үржүүлэх, ойг нөхөн сэргээх, ойн хөнөөлт шавж, өвчний судалгаа хийж тэмцэх, ойд үйлдвэрлэлийн ашиглалт явуулах, арчилгаа, цэвэрлэгээ хийх, ойн дагалт баялгийг ашиглах, хамгаалах гэсэн чиглэлтэй байна. /Энэ хэсгийг 2026 оны 07 дугаар сарын 03-ны өдрийн хуулиар өөрчлөн найруулсан/

23.2.Ойн мэргэжлийн байгууллагад мэргэжлийн чиглэлийн дагуу хүний нөөц, техник, тоног төхөөрөмж, багаж хэрэгсэл, судалгааны арга зүй, технологи, программ хангамжтай байх бөгөөд хөдөлмөрийн аюулгүй байдал, эрүүл ахуй, галын аюулгүй байдлыг хангаж ажиллана. /Энэ хэсгийг 2026 оны 07 дугаар сарын 03-ны өдрийн хуулиар өөрчлөн найруулсан/

23.3.Ойн мэргэжлийн байгууллага дараах чиглэлээр үйл ажиллагаа явуулна: /Энэ хэсгийг 2026 оны 07 дугаар сарын 03-ны өдрийн хуулиар өөрчлөн найруулсан/

23.3.1.ойд үйлдвэрлэлийн ашиглалт явуулах, арчилгаа, цэвэрлэгээ хийх; /Энэ заалтыг 2026 оны 07 дугаар сарын 03-ны өдрийн хуулиар өөрчлөн найруулсан/

23.3.2.ойн тооллого, ой зохион байгуулалт, ойн хөнөөлт шавж, өвчний судалгаа хийх, тэмцэх; /Энэ заалтыг 2026 оны 07 дугаар сарын 03-ны өдрийн хуулиар өөрчлөн найруулсан/

23.3.3.мод үржүүлэх, ойг нөхөн сэргээх; /Энэ заалтыг 2026 оны 07 дугаар сарын 03-ны өдрийн хуулиар өөрчлөн найруулсан/

23.3.4.ойн дагалт баялгийг ашиглах, хамгаалах. /Энэ заалтыг 2026 оны 07 дугаар сарын 03-ны өдрийн хуулиар өөрчлөн найруулсан/

23.4.Энэ хуулийн 23.3-т заасан чиглэлээр үйл ажиллагаа явуулах ойн мэргэжлийн байгууллагад тавих хүний нөөц, тоног төхөөрөмж, техник хэрэгсэл, ойжуулахад шаардагдах нөөц, мэргэжлийн байгууллагаар хийлгэх гэрээг журмаар зохицуулна. /Энэ хэсгийг 2026 оны 07 дугаар сарын 03-ны өдрийн хуулиар өөрчлөн найруулсан/

23.5.Аймаг, нийслэлийн байгаль орчны газар нь ойн мэргэжлийн байгууллагад тавигдах шаардлагыг хангасан эсэхийг хянана. /Энэ хэсгийг 2026 оны 07 дугаар сарын 03-ны өдрийн хуулиар өөрчлөн найруулсан/

23.6.Ойн мэргэжлийн байгууллагын үйл ажиллагаа эрхлэгч хүсэлтээ холбогдох баримт бичгийн хамт ойн асуудал хариуцсан төрийн захиргааны байгууллагад цахим хэлбэрээр илгээнэ. /Энэ хэсгийг 2026 оны 07 дугаар сарын 03-ны өдрийн хуулиар өөрчлөн найруулсан/

ТАВДУГААР БҮЛЭГ

ОЙГ ХАМГААЛАХ, НӨХӨН СЭРГЭЭХ