Хуульчийн шалгалтын асуулт, хариулт | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

34 асуулт

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Иргэн А иргэн Б-г зодож түүнд хүнд гэмтэл учруулсан байна. Иргэн Б шүүхэд эрүүл мэндэд учруулсан гэм хорыг арилгуулах тухай нэхэмжлэлийг иргэн А-д холбогдуулан гаргажээ. Шүүх хэрэг хянан шийдвэрлэх ажиллагаанд насанд хүрээгүй гэрч В оролцож байгаа гэх үндэслэлээр шүүх хуралдааныг хаалттай явуулсан байна. Сэтгүүлч Г энэ хэргийн талаар нийтлэл бичиж болох уу ?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Нэхэмжлэгч А нь гадаадын иргэн бөгөөд түүний орчуулагч нь хүндэтгэн үзэх шалтгааны улмаас шүүх хуралдаанд ирээгүй байна. Хариуцагч Б-ийн өмгөөлөгч нь орчуулга хийх боломжтой гэсэн тул түүнийг орчуулагчаар оролцуулж шүүх хэргийг хянан шийдвэрлэжээ. Хэрэг хянан шийдвэрлэх ажиллагааны зөрчил гарсан уу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Гүйцэтгэх хуудсыг шийдвэр гүйцэтгэх байгууллага алга болгожээ. Шийдвэр гүйцэтгэх байгууллагаас гүйцэтгэх хуудас дахин олгуулах хүсэлтийг шүүхэд гаргасан байна. Шүүгч хүсэлтийг хангахаас татгалзахдаа гүйцэтгэх хуудсыг зөвхөн төлбөр авагчийн хүсэлтээр дахин олгоно гэжээ. Шүүгчийн татгалзал үндэслэлтэй юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Үзлэгийг шүүх хуралдааны бусад үед явуулжээ. Шүүгчийн даалгаснаар үзлэгийн тэмдэглэлийг нэхэмжлэгч А-гийн өмгөөлөгч үйлдсэн байна. Үзлэгийн тэмдэглэл хөтлөх журам зөрчигдсөн үү?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Шүүх хуралдаанд иргэдийн төлөөлөгч оролцож байна. Иргэдийн төлөөлөгч ажилтай тул дүгнэлтээ хуралдаан нээсний дараа, хэргийг хэлэлцэж эхлэхээс өмнө бичгээр өгөөд шүүгч болон хэргийн оролцогчоос чөлөө хүсжээ. Тэрээр хэргийн материалтай танилцсан тул дүгнэлтээ хэдийд ч өгөх эрхтэй гэж тайлбарласан байна. Иргэдийн төлөөлөгч дүгнэлтээ хэдийд гаргах ёстой вэ?

1-р хуудасДараах

Сэдэв

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Анхан шатны шүүхээс гарсан шийдвэрээр иргэн А-аас 80.0 сая төгрөг гаргуулж иргэн Б-д олгохоор болжээ. Шүүхийн шийдвэрийг гүйцэтгэх явцад иргэн А нас барсан тул түүний хүү В шийдвэрийг шинзэр илэрсэн нөхцөл байдлын улмаас дахин хянуулах хүсэлтийг шүүхэд гаргаж, А-г нас барсныг бүртгэсэн гэрчилгээг хавсаргаж өгсөн байна. Шүүх иргэн В-ийн хүсэлтийг хангаж шийдвэрийг хүчингүй болгох үндэслэлтэй юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Иргэн А нь хариуцагч “Б” компаниас 15.0 сая төгрөг гаргуулах тухай нэхэмжлэлтэй иргэний хэргийг шүүх тусгайлсан журмаар хянан шийдвэрлэх ажиллагаа явуулж, “Б” компаниас 13.0 сая төгрөг гаргуулж иргэнА-д олгохоор 2025 оны 05 дугаар сарын 01-ний өдөр шийдвэрлэжээ. “Б” компани нь энэ шийдвэрийг эс зөвшөөрч давж заалдах гомдол гаргасан байна. “Б” компани давж заалдах гомдол гаргах эрхтэй юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Нэхэмжлэгч А нь шүүх хуралдаан дээр шүүх бүрэлдэхүүнд орсон 2 шүүгчийг татгалзан гаргах хүсэлт гаргажээ. Шүүх бүрэлдэхүүнд үлдсэн нэг шүүгч уг асуудлыг шийдвэрлэж, шүүгч нарыг татгалзан гаргах хүсэлт баримтаар нотлогдохгүй байна гэж үзэж хүсэлтийг хангахгүй орхих тухай захирамж гаргажээ. Захирамж үндэслэлтэй юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Нэхэмжлэгч A нь жил болгон намар 10 хоног эмнэлэгт хэвтэж эмчлүүлдэг учир энэ хугацаанд хэрэг хянан шийдвэрлэх ажиллагааг түдгэлзүүлж өгнө үү гэсэн хүсэлт гаргажээ. Хариуцагч Б нь энэ шалтгаан нь хэрэг хянан шийдвэрлэх ажиллагааг түдгэлзүүлэх үндэслэл болохгүй гэж эсэргүүцсэн. Нэхэмжлэгч А-ийн хүсэлт үндэслэлтэй юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Иргэн А нь иргэн Б-д холбогдуулан авто тээврийн ослын улмаас учирсан хохиролд 1.0 сая төгрөг гаргуулах нэхэмжлэл шүүхэд гаргажээ. Б нь энэ осол гарахад гэм буруугүй гэж маргасан байна. Б-гийн гэм бурууг хэн нотлох вэ?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Нэхэмжлэгч А нь хариуцагч Б-д холбогдуулж зуслангийн газрыг чөлөөлүүлэх нэхэмжлэл гаргажээ. Хариуцагч Б шүүхэд гаргасан хүсэлтдээ уг зуслангийн газрыг иргэн В эзэмшиж байгаа тул жинхэнэ хариуцагчаар сольж өгнө үү гэв. Шүүх ямар ажиллагаа хийх вэ?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Нэхэмжлэгч А нь шүүх хуралдаанд ирээгүй тул шүүх түүний нэхэмжлэлийг буцаажээ. Ийнхүү буцаахдаа шүүх А-аас улсын тэмдэгтийн хураамжид төлсөн 50.000 төгрөгийг улсын орлогод үлдээсэн байна. А гомдол гаргахдаа улсын тэмдэгтийн хураамжийн тал хувийг өөрт нь буцаан олгох байсан гэжээ. А-ийн гомдол үндэслэлтэй юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Хэрэг хянан шийдвэрлэх ажиллагааг хариуцагч А-д асран хамгаалалт тогтоолгох шаардлагатай болсон гэх үндэслэлээр түдгэлзүүлсэн байна. Дүүргийн Засаг даргаас хариуцагч А-д асран хамгаалалт тогтоожээ. Уг түдгэлзүүлсэн шалтгаан арилсан байх боловч нэхэмжлэгч талаас А- ийн асран хамгаалагч, хариуцагч Б-ийн талаас түүний итгэмжлэгдсэн төлөөлөгч нар хэрэг хянан шийдвэрлэх ажиллагааг сэргээх хүсэлт гаргахгүй байна. Шүүх өөрийн санаачилгаар уг ажиллагааг сэргээн явуулж болох уу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Нэхэмжлэгч А нь шүүхийн шийдвэр гүйцэтгэх хуудсыг шүүхээс авсан боловч тэрээр алга болгосон байна. Нэхэмжлэгч А нь шүүхэд хандаж дахин гүйцэтгэх хуудас олгож өгнө үү гэсэн хүсэлтийг гаргажээ. Шүүгч хүсэлтийг хангахгүй орхиж шийдвэрлэсэн захирамждаа гүйцэтгэх хуудсыг нэг удаа олгодог гэв. Шүүгчийн захирамж үндэслэлтэй юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Анхан шатны шүүх хуралдаанд нэхэмжлэгч А хүндэтгэн үзэх шалтгаангүйгээр ирээгүй байна. Шүүх хуралдаанд оролцож буй хариуцагч Б нь нэхэмжлэгчийг шүүх хуралдаанд оролцуулах хүсэлт гаргажээ. Шүүх ямар шийдвэр гаргах вэ?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Анхан шатны шүүхэд иргэн А-гийн нэхэмжлэлтэй хариуцагч Б-д холбогдох 100.0 сая төгрөг гаргуулах тухай хэрэг хянагдаж байна. Анхан шатны шүүх хуралдааныг товлон зарлажээ. Нэхэмжлэгч А өөрийн эзгүйд хэргийг шийдвэрлэх хүсэлт гаргасан, хариуцагч Б шүүх хуралдаанд хүндэтгэн үзэх шалтгаангүйгээр ирээгүй байна. Шүүх зохигчдыг оролцуулалгүй хэргийг шийдвэрлэж шийдвэр гаргажээ. Анхан шатны шүүхийн шийдвэрт давж заалдах гомдол гаргах тусгай журамтай юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Давж заалдах шатны шүүхээс арбитрын үндсэн шийдвэрийг хүчингүй болгосон тогтоол гаргажээ. Нэхэмжлэгч “А” компани нь энэ тогтоолыг эс зөвшөөрч Улсын дээд шүүхэд гомдол гаргав. Улсын дээд шүүх гомдлыг хүлээж авах уу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Анхан шатны шүүх 2024 оны 06 дугаар сарын 10-ны өдөр хэргийг хянан шийдвэрлэж, шийдвэр үйлджээ. Нэхэмжлэгч А нь шийдвэрийг албадан гүйцэтгүүлэх хүсэлтийг гаргаж, гүйцэтгэх хуудсыг шүүхээс хүлээн авсан. Нэхэмжлэгч А нь шийдвэрийг уншиж танилцаад ойлгоогүй байна. Нэхэмжлэгч А анхан шатны шүүхэд шийдвэрийг тайлбарлуулахаар хүсэлт гаргажээ. Анхан шатны шүүхээс шийдвэрийг тайлбарлах нөхцөл бүрдсэн үү?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Анхан шатны шүүх хуралдааны товыг нэхэмжлэгч А-д хүргэхээр шүүхийн ажилтан гэрийн хаягаар нь очсон боловч гэрт нь бага насны хүүхэд байсан ба хаалгаа онгойлгож өгөөгүй. Иймд шүүхийн ажилтан уг мэдэгдэх хуудсыг хаалганд нааж орхисон байна. Үүнийгээ нотлохоор шүүхийн ажилтан өөрийн гар утсаар зургийг нь авчээ. НэхэмжлэгчА-д шүүх хуралдааны товыг мэдэгдсэн үү?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Хэргийг тусгайлсан журмаар хянан шийдвэрлэж байгаад ердийн журмаар хянан шийдвэрлэхээр шилжүүлжээ. Шүүх хуралдааны товыг хэргийг тусгайлсан журмаар хянан шийдвэрлэх байх хугацаанд товложээ. Шүүх хуралдааны тов хүчинтэй юу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Гомдлоор авч хэлэлцэх хэрэг хянан шийдвэрлэх ажиллагаанд нэхэмжлэгч А нь шүүх хуралдаанд хүндэтгэн үзэх шалтгаангүйгээр ирээгүй байна. Хариуцагч шийдвэр гүйцэтгэх байгууллага нь өөрийн төлөөлөгчийн эзгүйд хэргийг шийдвэрлүүлэх хүсэлтийг шүүхэд ирүүлжээ. Шүүгч ямар шийдвэр гаргах вэ?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Шүүх хуралдаанд оролцсон иргэдийн төлөөлөгч дүгнэлт гаргахдаа хариуцагч А-ийн үйлдэл гэмт хэргийн шинжтэй тул иргэний хэрэг хянан шийдвэрлэх журмаар хэргийг хэлэлцэх ёсгүй гэжээ. Шүүх бүрэлдэхүүн хэргийг хянан хэлэлцэж шийдвэр гаргахдаа иргэдийн төлөөлөгчийн дүгнэлтийг хүлээж авах үндэслэлгүй гэв. Иргэдийн төлөөлөгчийн дүгнэлт гаргах эрх хэмжээг тодорхойлно уу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Нэхэмжлэгч А нь иргэний хэргийн давж заалдах шатны шүүх хуралдаан дээр нэхэмжлэлийн шаардлагаа нэмэгдүүлэх тухай хүсэлт гаргажээ. Шүүх уг хүсэлтийг хүлээж авах уу?

Хувийн эрх зүй — бусад · ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬ

Анхан шатны иргэний хэргийн шүүх А-гийн нэхэмжлэлтэй Б-д холбогдох иргэний хэрэгт тусгайлсан журмаар хянан шийдвэрлэх ажиллагаа явуулж байна. Анхан шатны иргэний хэргийн шүүхийн шүүгчийн 2025 оны 04 дүгээр сарын 30-ны өдөр хэргийг шүүх хуралдаанаар хэлэлцүүлэх захирамж гаргасан ба хуралдааныг 2025 оны 05 дугаар сарын 09- ний өдөр явуулахаар тов тогтоосон. Шүүх тусгайлсан журмаар хэрэг хянан шийдвэрлэх ажиллагааг ердийн журмаар явуулахаар 2025 оны 05 дугаар сарын 02-ны өдөр захирамж гаргасан байна. Нэхэмжлэгч А шүүх хуралдаанд ирээгүйгээс түүний нэхэмжлэлийг 2025 оны 05 дугаар сарын 09-ний өдөр буцаан шийдвэрлэжээ. Нэхэмжлэгч А шүүхэд гаргасан гомдолдоо хэрэг хянан шийдвэрлэх ажиллагааг ердийн журмаар явуулахаар болсон бол шүүх хуралдааны товыг шинээр товлох байсан гэв. Нэхэмжлэгч А-ийн гомдол үндэслэлтэй юу?