АнгилаагүйМансууруулах эм, сэтгэцэд нөлөөт бодисыг хууль бусаар ашиглах гэмт хэргийг мөрдөн шалгаж байсан мөрдөгч Д нь гэмт хэрэгт эд мөрийн баримтаар хураан авсан 50 грамм жинтэй “мөс” нэршилтэй метафетамины төрлийн бодисыг бусдад худалдаалжээ. Д-гийн үйлдэл нь:
АнгилаагүйУлсын Их Хурлын ээлжит сонгууль товлон зарлаж, санал авах өдрийг 2024 оны 06 дугар сарын 28-ны өдөр байхаар тогтоожээ. Улмаар Улсын бүртгэлийн асуудал эрхэлсэн төрийн захиргааны байгууллагын дарга 2024 оны 04 дүгээр сарын 01-ны өдрөөс 2024 оны 06 дугаар сарын 28-ны өдрийг дуусталх хугацаанд иргэний шилжилт хөдөлгөөнийг зогсоох тухай шийдвэр гаргасан байна. Энэ нь үндэслэлтэй эсэх?
АнгилаагүйЯлимгүй гэмт хэрэгт сэжиглэгдэж буй этгээдийн төв мэдрэлийн тогтолцоо эмгэгтэй эсэхийг шалгуулах зорилгоор нугасны шингэн авахуулах шинжилгээнд хамруулахаар шүүх шийдвэрлэжээ. Нугасны шингэн шалгах шинжилгээ эрүүл мэндэд эрсдэлтэй гэж үзэж яллагдагч хийлгэхээс татгалзсан тул албадлагын арга хэмжээ хэрэглэхээр шийдвэрлэсэн байна. Үндсэн хуульд заасан, хүний халдашгүй байх эрх зөрчигдсөн үү?
АнгилаагүйБэлэн хувцасны худалдаа эрхэлдэг монголын “М” дэлгүүр Английн нэгэн томоохон брэндийн “А” дэлгүүрээс нийт 100.000 долларын үнэ бүхий нэлээд тооны хувцсыг авахаар тохиролцжээ. Монгол Улс нь Венийн Конвенцын гишүүн, Англи гишүүн биш гэж үзвэл “А” ба “М” нарын байгуулсан гэрээнд Венийн Конвенц хэрэглэгдэх боломжтой юу?
АнгилаагүйГавьяат жүжигчин Х-гийн талаар олон нийтийн мэдээллийн хэрэгслээр “Х нь замбараагүй хувийн амьдралаас болж халдварт өвчин хэд хэдэн удаа тусч байжээ” хэмээн мэдээлсэн байна. Хууль зүйн үндэслэлтэй юу?
АнгилаагүйМэргэжлийн хяналтын улсын байцаагч И нь “О” ХХК-ийн тусгай зөвшөөрлийг үндэслэлгүйгээр удаан хугацаагаар цуцалснаас шалтгаалан тус компани төлбөрийн чадваргүй болжээ. И ямар гэмт хэрэг үйлдсэн вэ?
АнгилаагүйДорноговь аймгийн Иргэдийн Төлөөлөгчдийн Хурлын сонгуулийн хороонд тус сонгуульд нэр дэвшигч Л дугаар хэсгийн хорооны шийдвэрийн талаар гомдол гаргажээ. Тэрээр өрсөлдөгч Ө нь хуульд зааснаас илүү тооны тээврийн хэрэгсэл сурталчилгаандаа ашиглаж байгаа талаар дугаар хэсгийн хорооны даргад гомдол гаргахад Ө нь 2 авто машин, 1 мопед ашигласан байх ба мопед бол тээврийн хэрэгсэл биш гэсэн хариуг амаар өгсөн гэж гомдолдоо дурдсан байна. Аймгийн сонгуулийн хороо уг гомдлыг хүлээн авч шийдвэрлэх хууль зүйн үндэслэлтэй эсэх?
АнгилаагүйШинээр илэрсэн нөхцөл байдлын улмаас шүүхийн шийдвэрийг хянуулах тухай хүсэлтийг ямар хугацаанд гаргах вэ?
АнгилаагүйТ өөрийн хүсэлтээр асрамжийн газраас бүрэн саажилттай хүү Ш-г үрчлэн авч асран тэтгээд, хамт амьдарч 3 жил өнгөрсний дараа Т зуурдаар нас баржээ. Түүнийг нас барсны дараа Т-ийн төрсөн хүүхдүүд аавынхаа эд хөрөнгийг тэнцүү хувааж авсан бөгөөд өргөмөл хүү Ш-г асрамжийн газарт хүргэж өгсөн ба түүнийг өвлөгч биш гэж үзсэн нь зөв үү?
Ангилаагүй“Үндэсний гадаад паспорт, Монгол Улсад буцах үнэмлэхний загвар болон үндэсний гадаад паспортыг олгох, эзэмших, хадгалах журмыг хэн батлах вэ?
АнгилаагүйШийдвэр гүйцэтгэх, журмаар зохион байгуулж буй дуудлага худалдааны орлогоос хамгийн түрүүнд аль зардлыг суутган авах вэ?
АнгилаагүйЖ нь Монгол Улсын замын хөдөлгөөний аюулгүй байдлын дүрэмд гүйцэж түрүүлэх, тойрон гарахаас бусад тохиолдолд эсрэг урсгалд орохыг хориглосон зохицуулалтыг зөрчиж эсрэг хөдөлгөөний хоёр эгнээгээр зорчдог зам руу орж урсгал сөрсний улмаас эсрэг урсгалд зорчиж байсан тээврийн хэрэгсэлтэй мөргөлдөж, жолооч Г-ийн амийг хохироожээ. Ж нь шүүх хуралдааны явцад “мөрдөн шалгах ажиллагааны явцад эсрэг талын машины жолоочийн цуснаас 0.5 промиль спиртийн агууламж илэрсэн буюу согтууруулах ундааны зүйл хэрэглэсэн үедээ тээврийн хэрэгсэл жолоодсон нь тогтоогдсон тул эрүүгийн хариуцлагыг хөнгөрүүлж өгнө үү” хэмээн хүсэлт тавьжээ. Шүүх Ж-ийн хүсэлтийг хүлээн авах үндэслэлтэй юу?
АнгилаагүйНийслэлийн Засаг даргын Тамгын газраас хог хаягдал сэргээн ашиглах, дахин боловсруулах, булшлах, устгах байгууламжийн үйл ажиллагаа эрхлэх аж ахуйн нэгж, байгууллагыг сонгон шалгаруулж, түүнд шалгарсан “Ө” гадаадын хөрөнгө оруулалттай ХХК-тай “Хог хаягдал сэргээн ашиглах, дахин боловсруулах, булшлах, устгах байгууламжийн үйл ажиллагаа эрхлэх гэрээ” байгуулжээ. Энэ захиргааны гэрээ болох уу?
АнгилаагүйҮүргээ гүйцэтгээгүй буюу зохих ёсоор гүйцэтгээгүй тал нь төлөхөөр хууль болон гэрээнд урьдчилан тодорхой хэмжээгээр заасан эсхүл гүйцэтгээгүй буюу зохих ёсоор гүйцэтгээгүй үүргийн үнийн дүнгийн тодорхой хувиар тогтоосон анзыг ... гэнэ. Нөхөх хариултыг сонгоно уу?
АнгилаагүйИргэн 0 гэрээслэлдээ өв хөрөнгийг хэрхэн хувааж өгөх талаар нарийвчлан тусгаад зарим өвлөгчдөд болзол тавьсан гэрээслэл үйлджээ. Ингэхдээ тэрээр гэрээслэлдээ огт дурдаагүй этгээд болох хадам эгч Д-г гэрээслэл биелүүлэгчээр томилсон байна. Гэрээслэл хүчин төгөлдөр үү?
АнгилаагүйИргэн А-д шийтгэл оногдуулсан улсын байцаагчийн акттай шүүхээр маргаж байх үед мөн асуудлаар маргасан Б-ийн нэхэмжлэлтэй хэргийг хянан шийдвэрлэж буй шүүх маргаан бүхий актын үндэслэл болсон Зөрчлийн тухай хуулийн заалт Үндсэн хуульд нийцээгүй тухай асуудлаар Улсын дээд шүүхэд санал оруулжээ. Улсын дээд шүүх тухайн саналыг үндэслэлтэй гэж үзэн Үндсэн хуулийн цэцэд хүсэлт гаргахаар шийдвэрлэжээ. Энэ тохиолдолд А-ын хэргийг хянан шийдвэрлэж буй шүүх:
АнгилаагүйДэлхийн худалдааны байгууллагын олон талт худалдааны тогтолцоог улс орнууд ямар зорилгоор бий болгосон бэ?
АнгилаагүйАвлигатай тэмцэх газрын мөрдөгч А-ийн эхнэр Б нь Авлигатай тэмцэх газарт нягтлан бодогчийн албан тушаалд ажиллахаар хүсэлт гаргасан бөгөөд 2 удаагийн ажлын ярилцлага, шалгалтад тэнцсэн тул нягтлан бодогчоор томилогдсон. Энэ нь хуулиар хориглосон үйлдэлд хамаарах уу?