Хуульчийн шалгалтын асуултын сан

Бусад эрх зүй · НИЙТИЙН МЭДЭЭЛЛИЙН ИЛ ТОД БАЙДЛЫН ТУХАЙ ХУУЛЬ

Иргэн А Байгаль орчин, уур амьсгалын өөрчлөлтийн яаманд хандан “Байгаль орчныг хамгаалах тухай хууль”-ийн хэрэгжилтийн үр дагаврын үнэлгээний тайланг авахыг хүссэн байна. Гэвч тус яамнаас энэ тайланг өгөх боломжгүй талаар хариу өгчээ. Яамны татгалзсан шийдвэр үндэслэлтэй юу?

Бусад эрх зүй · 1.31

Сургалтын төлбөрийг үндэслэлгүй нэмсэн гэж оюутнууд сургуулийнхаа хичээлийн байрны их танхимд цугларчээ. Тэд оюутны сурч боловсрох эрх хязгаарлагдаж буй талаар уриа лоозон барьж, үзэл бодлоо илэрхийлэн сургуулийн захиргаанд санал, шаардлагаа хүргүүлсэн байна. Уг цуглаанд нийт 100 орчим оюутан оролцжээ. Цуглааныг зарим сайт олон нийтэд дамжуулсан байна. Дээрх цуглаан нь Үндсэн хуульд заасан, жагсаал, цуглаанд хамаарах уу?

Бусад эрх зүй · ЗАХИРГААНЫ ЕРӨНХИЙ ХУУЛЬ

Байгаль орчин, уур амьсгалын өөрчлөлтийн яамны дэргэдэх Байгаль орчны нөлөөлөх байдлын үнэлгээний мэргэжлийн зөвлөл хуралдан А ХХК-ийн барих орон нутгийн автозамын ажлын байгаль орчинд нөлөөлөх байдлын нарийвчилсан үнэлгээг баталсан шийдвэр гаргажээ. Энэ шийдвэр захиргааны акт мөн үү?

Бусад эрх зүй · Иргэний эрх зүй

С ньГ-д 50 сая төгрөгийг бэлнээр өгөх нөхцөлтэйгөөр машин худалдах авахыг санал болгожээ. Гэвч Г-гийн санхүүгийн байдал хүндрэлтэй байсан тул С-д “Төлбөрийг машин шилжүүлж авснаас хойш 60 хоногийн дараа төлөх нөхцөлтэйгөөр саналыг хүлээн зөвшөөрч болно” гэсэн мэйл явуулсан байна. Гэтэл үүнээс хойш хэдэн хоногийг дараа Г-гийн санхүүгийн байдал сайжирсан тул С-д “мөнгийг бэлнээр төлөх саналыг зөвшөөрч байна” гэх агуулгатай мэйл явуулжээ. Гэрээ байгуулагдсан уу?

Бусад эрх зүй · Иргэний эрх зүй