Шүүхийн тогтоол #2848

ХЭРГИЙН ТАНИЛЦУУЛГА: "Э" ХХК нь нийслэлийн Засаг даргын тусгай зөвшөөрөл эзэмшигчдийн газрын хэвлий ашиглах эрхийг цуцалсан захирамжийг хүчингүй болгуулахаар нэхэмжилсэн. "Э" ХХК нь тусгай зөвшөөрөл авсан газарт нь орон нутгийн хамгаалалт тогтоогдсон, улмаар ашиглах боломжгүй болсон тул гурван жилийн дотор ашиглаж эхлээгүй гэх үндэслэл нь буруу гэж маргасан. АНХАН ШАТ: Захиргааны ерөнхий болон Газрын хэвлий, Түгээмэл тархацтай ашигт малтмалын тухай хуулиудыг зөрчин, нэхэмжлэгчийн эрхийг хөндсөн гэж үзэн захирамжийг хүчингүй болгосон. ДАВЖ ЗААЛДАХ ШАТ: Анхан шатны шүүхийн шийдвэрийг хэвээр үлдээж, нэхэмжлэлийн шаардлагыг бүхэлд нь хангасан. ХЯНАЛТЫН ШАТ: Анхан болон давж заалдах шатны шүүхийн дүгнэлт нь холбогдох хуулиудыг зөрүүтэй тайлбарласан гэж үзэн шийдвэр, магадлалыг хүчингүй болгож, нэхэмжлэлийн шаардлагыг бүхэлд нь хэрэгсэхгүй болгосон. ҮНДЭСЛЭЛ: "Э" ХХК нь тусгай зөвшөөрөл авснаас хойш гурван жилийн дотор газрын хэвлийг ашиглаж эхлээгүй нь тогтоогдсон тул нийслэлийн Засаг даргын захирамж хуульд нийцсэн. Компани нь хуулийн дагуу тайлан ирүүлж, үүргээ биелүүлээгүй. Орон нутгийн хамгаалалт тогтоогдсон нь ашиглах боломжгүй гэх үндэслэл болохгүй, үлдсэн талбайгаа ашиглах боломжтой байсан. Захиргааны байгууллагаас иргэдийг сонсох ажиллагааг хуулийн дагуу хийсэн.