Шүүхийн тогтоол #2609

ХЭРГИЙН ТАНИЛЦУУЛГА: "Э С С С к" ХХК нь "Барилгын хөгжлийн төв" ТӨААТҮГ-ыг барилга байгууламжийн зураг төсөлд магадлал хийх, дүгнэлт гаргах эрхгүй, энэ үйлдэл хууль бус гэдгийг тогтоолгох, Барилга, хот байгуулалтын яамны "Барилгын хөгжлийн төв"-ийн хууль бус үйлдлийг таслан зогсоохгүй байгаа эс үйлдлийг нь хууль бус болохыг тогтоолгох, таслан зогсоож нийтэд мэдээлэхийг тус яаманд даалгах тухай нэхэмжлэл гаргасан. АНХАН ШАТ: "Барилгын хөгжлийн төв" ТӨААТҮГ нь барилга байгууламжийн зураг төсөлд магадлал хийх, дүгнэлт гаргах эрхгүй, энэ нь хууль бус болохыг тогтоож, үүнийг зогсоохгүй байгаа Барилга, хот байгуулалтын яамны эс үйлдэхүйг хууль бус болохыг тогтоон таслан зогсоож, нийтэд мэдээлэхийг тус яаманд даалгаж, улсын тэмдэгтийн хураамжийг хариуцагч нараас гаргуулж шийдвэрлэсэн. ДАВЖ ЗААЛДАХ ШАТ: Анхан шатны шүүхийн шийдвэрийг хүчингүй болгож, хэргийг анхан шатны журмаар дахин хэлэлцүүлэхээр буцаасан. ХЯНАЛТЫН ШАТ: Нэхэмжлэгчийн итгэмжлэгдсэн төлөөлөгчийн гомдол: Давж заалдах шатны шүүх нь хэргийн гол асуудалтай холбогдолгүй Засгийн газрын тогтоолоор шийдвэрлэсэн асуудлыг үндэслэл болгож, нэхэмжлэлийн хүрээнээс хэтэрсэн, хуулийн журмыг зөрчсөн шийдвэр гаргасан. "Барилгын хөгжлийн төв"-д магадлал хийх эрх олгосон шийдвэр, акт байхгүй, анхан шатны шүүхийн шийдвэр хууль ёсны бөгөөд үндэслэлтэй. Хариуцагч Яамны итгэмжлэгдсэн төлөөлөгчийн гомдол: Давж заалдах шатны шүүх нь Засгийн газрын тогтоолоор олгосон эрхийг буруу тайлбарлаж, хэрэглэвэл зохих хуулийг хэрэглээгүй. "Барилгын хөгжлийн төв"-д зураг төсөлд магадлал хийх ажлыг зохион байгуулах эрхийг шилжүүлсэн нь хуульд нийцсэн эсэхийг тогтоох нь зүйтэй. ҮНДЭСЛЭЛ: * Нэхэмжлэгч нь "Барилгын хөгжлийн төв"-ийг зураг төсөлд магадлал хийх чиг үүрэгтэй байгууллага нь өөрөө магадлал хийж байгаа нь хууль бус гэсэн үндэслэлээр маргасан. * Давж заалдах шатны шүүх нь нэхэмжлэлийн шаардлагад дурдагдаагүй, маргаагүй асуудлаар дүгнэлт хийх зорилгоор анхан шатны шүүхийн шийдвэрийг хүчингүй болгож буцаасан нь буруу. * "Барилгын хөгжлийн төв" нь барилгын зураг төсөлд магадлал хийх ажлыг зохион байгуулах чиг үүргийг гэрээгээр авсан ч бодит байдалд өөрөө магадлалыг гардан гүйцэтгэж, дүгнэлтийг баталгаажуулдаг бөгөөд үүний орлогоос хувь авч, энэ нь аж ахуйн тооцоот байгууллагын орлого биш. * Барилга, хот байгуулалтын яам нь нэхэмжлэгчээс удаа дараа гаргасан гомдлыг шийдвэрлэлгүй, "Барилгын хөгжлийн төв"-ийн хууль бус үйлдлийг таслан зогсоогоогүй нь иргэдээс гаргасан өргөдөл, гомдлыг шийдвэрлэх үүргээ биелүүлээгүй, эс үйлдэхүй нь хууль бус. * "Барилгын хөгжлийн төв" нь зураг төсөлд магадлал хийх эрхгүй болохыг тогтоолгох нэхэмжлэлийг хүлээн авахгүй, харин "Барилгын хөгжлийн төв"-ийн барилга байгууламжийн зураг төсөлд магадлалыг баталгаажуулж дүгнэлт гаргаж байгаа нь хууль бус болохыг тогтоож, үүнийг таслан зогсоохыг яаманд даалгах нэхэмжлэлийн шаардлагын зарим хэсгийг хангасан нь зөв.