Тогтоол №8067

ХЭРГИЙН ТАНИЛЦУУЛГА: Төрийн албаны зөвлөлийн тогтоол, байгууллагын даргын тушаалыг хүчингүй болгуулах, албан тушаалд эгүүлэн тогтоолгох, ажилгүй байсан хугацааны цалин, шимтгэл гаргуулах, шинэ ажилд томилуулах шаардлагатай захиргааны хэрэг. АНХАН ШАТ: Захиргааны хэргийн анхан шатны шүүх нь Төрийн албаны тухай хуулийн холбогдох зүйл заалтыг баримтлан, Төрийн албаны зөвлөлийн тогтоол, байгууллагын даргын тушаалыг хүчингүй болгож, нэхэмжлэгчийг албан тушаалд эгүүлэн тогтоож, ажилгүй байсан хугацааны цалин, нийгмийн даатгалын шимтгэл олгох шийдвэр гаргасан. ДАВЖ ЗААЛДАХ ШАТ: Хариуцагч талаас Төрийн албаны тухай хууль, холбогдох журмыг зөрчсөн, сонгон шалгаруулалтгүй томилсон гэх үндэслэлээр, нэхэмжлэгчийн өмгөөлөгчөөс цалин хөлсний хэмжээг тодорхой заах, Хөдөлмөр, нийгмийн хамгааллын яамны хариуг нэхэмжилсэн шаардлагыг бүхэлд нь хангах гэсэн гомдлуудыг гаргасан.

ҮНДЭСЛЭЛ: Давж заалдах шатны шүүх нь Төрийн албаны зөвлөлийн хяналт шалгалтын дүгнэлт, Төрийн албаны тухай хуулийн албан тушаал хоорондын шилжилт, тусгай шалгалт авахтай холбоотой зохицуулалтыг үндэслэл болгон, анхны шийдвэрт өөрчлөлт оруулж, Төрийн албаны зөвлөлийн тогтоолыг хүчингүй болгуулах нэхэмжлэлийг хэрэгсэхгүй болгож, нэхэмжлэгчийг албан тушаалд томилох хүртэл албан тушаалаас нь түдгэлзүүлж, ажилгүй байсан хугацааны цалин, шимтгэл гаргуулах шийдвэр гаргасан. Коронавируст халдвар /ковид-19/-ын цар тахлаас урьдчилан сэргийлэх тухай хуулийн зохицуулалтыг сонгон шалгаруулалтгүй томилох үндэслэл болгох боломжгүй гэж үзсэн. Хөдөлмөр, нийгмийн хамгааллын яамны хариуг нэхэмжилсэн шаардлага нь үндэслэлгүй гэж дүгнэсэн.