Тогтоол №7735

ХЭРГИЙН ТАНИЛЦУУЛГА: Шүүгчдийг өндөр насны тэтгэвэрт гаргахтай холбогдуулан олгох нэг удаагийн тэтгэмжийг тооцохдоо албан тушаалын цалингаас гадна албан ажлын онцгой нөхцөл, төрийн алба хаасан хугацаа, докторын зэргийн нэмэгдлүүдийг оруулан тооцох эсэхэд маргасан. АНХАН ШАТ: Нэхэмжлэгчдийн шаардлагыг хангаж, Шүүхийн ерөнхий зөвлөлийн тушаалаар олгосон тэтгэмжийн зөрүүг нэхэмжлэгчдэд олгохыг даалгасан. Үүнд Монгол Улсын Шүүхийн тухай хуулийн 46.2, 47.9, Төрийн албаны тухай хуулийн 4.4, Хөдөлмөрийн тухай хуулийн 101.1-д тус тус заасныг баримталсан. ДАВЖ ЗААЛДАХ ШАТ: Хариуцагч тал шийдвэрийг эс зөвшөөрч, шүүгчийн "авч байсан сарын дундаж цалин" гэдэгт зөвхөн албан тушаалын цалинг хамруулах ёстой, бусад нэмэгдлүүдийг тооцох үндэслэлгүй гэж маргасан.

ҮНДЭСЛЭЛ: Шүүх нь шүүгчийн авч байсан сарын дундаж цалин гэдэгт албан тушаалын цалин болон хуульд заасан бусад нэмэгдлүүдийг багтаан ойлгох бөгөөд үүнийг тооцож тэтгэмж олгох нь хуульд нийцнэ гэж үзсэн. Шүүхийн тухай хуулийн 46.2, 47.9-ийн дагуу шүүгч өндөр насны тэтгэвэрт гарахад сарын дундаж цалин хөлсний хэмжээгээр нэг удаагийн тэтгэмж авах эрхтэй байхад хариуцагч зөрүү тэтгэмжийг олгоогүй нь хууль бус эс үйлдэл болсон тул анхан шатны шүүхийн шийдвэр зөв байна гэж дүгнэв.