Тогтоол №6342

ХЭРГИЙН ТАНИЛЦУУЛГА: Ажилтан өөрийн үйлдлийг зөвтгөж, ёс зүйн шаардлага тавьсан гэж байгууллагын эд хогшилд зүй бусаар хандсан, удирдлагаа доромжилсон үйлдлээ ёс зүйн шаардлага тавьсан гэж тайлбарласан. Ажил үүргээ хангалтгүй биелүүлсэн, төрийн жинхэнэ албан хаагчаар томилох боломжгүй болсон тул ажлаас чөлөөлсөн үндэслэлтэй байсныг хэлсэн. АНХАН ШАТ: Төрийн албаны тухай хууль, Хөдөлмөрийн тухай хуульд заасныг баримтлан нэхэмжлэгчийн нэхэмжлэлийг хангаж, сахилгын шийтгэл ногдуулсан тушаал, ажлаас чөлөөлөх тушаалыг хүчингүй болгон, урьд эрхэлж байсан ажилд эгүүлэн тогтоож, ажилгүй байсан хугацааны цалинг олговол зохино гэж шийдвэрлэсэн. ДАВЖ ЗААЛДАХ ШАТ: Анхан шатны шүүх Захиргааны хэрэг хянан шийдвэрлэх тухай хуульд заасан журмыг зөрчсөн, шийдвэрийн тогтоох хэсэгт алдаа гаргаж, тодорхой бус байдлыг бий болгосон, тушаалыг хүчингүй болгосон эсэх нь тодорхойгүй, нэмэгдүүлсэн шаардлагыг хангаж шийдвэрлэсэн нь буруу гэсэн үндэслэлээр гомдол гаргасан. ҮНДЭСЛЭЛ: Сахилгын шийтгэл ногдуулах тушаалыг хүчингүй болгохдоо хуульд нийцээгүй, сахилгын зөрчил гаргасныг нотлох баримтгүй, үр дүнгийн гэрээний дүгнэлтийг хүчингүй болгуулах нэхэмжлэлийг шийдвэрлэсэн нь захиргааны хэргийн шүүхийн харьяалалгүй маргаан байхад хүлээн авч шийдвэрлэсэн нь хууль буруу хэрэглэгдсэн тул анхан шатны шүүхийн шийдвэрт өөрчлөлт оруулж, шийдвэрлэсэн.