Тогтоол №5088

ХЭРГИЙН ТАНИЛЦУУЛГА: "С" ХК нь Оюуны өмчийн газрын улсын байцаагчийн шийтгэлийг хүчингүй болгуулахаар нэхэмжилсэн. АНХАН ШАТ: "С" ХК-ийн нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: "С" ХК-ийн зүгээс анхан шатны шүүх хэргийг шийдвэрлэхдээ зарим нөхцөл байдлыг бүрэн тодорхойлоогүй, шинжээч томилуулах хүсэлтийг үндэслэлгүй хүлээж авахаас татгалзсан гэж үзэн анхан шатны шүүхийн шийдвэрийг хүчингүй болгуулах, нэхэмжлэлийн шаардлагыг хангаж өгөхийг хүссэн. Харин давж заалдах шатны шүүх анхан шатны шүүхийн шийдвэрийг хэвээр үлдээж, гомдлыг хангахгүй орхисон.

ҮНДЭСЛЭЛ: "С" ХК нь "Шимт сүү" гэх бүтээгдэхүүнийг худалдаалснаар, иргэн Н.Г-ийн эзэмшлийн "Шимт" барааны тэмдгийг зөвшөөрөлгүй ашиглаж, барааны тэмдэг эзэмшигчийн онцгой эрхийг зөрчсөн нь Зөрчлийн тухай хуулийн 8.5 дугаар зүйлийн 1-д заасныг үндэслэн торгох шийтгэл ногдуулсан шийтгэлийг шүүх хууль бус гэж үзэх үндэслэл тогтоогдоогүй. "Шимт" барааны тэмдэг нь үгэн илэрхийлэл бөгөөд ялгагдах шинж чанартай тул барааны тэмдэгт тооцогдохгүй гэх үндэслэл байхгүй. Иргэн Н.Г нь "Шимт" барааны тэмдгийг хуулийн дагуу бүртгүүлж, эрхээ эдэлж байсан тул "С" ХК-ийн үйлдлийг барааны тэмдэг эзэмшигчийн эрхийг зөрчсөн гэж үзэхээр байна.