Тогтоол №4435

ХЭРГИЙН ТАНИЛЦУУЛГА: "А" ХХК нь Өмнөговь аймгийн Засаг даргын захирамжаар олгосон газрыг хүчингүй болгуулах, мөн "И Х" ХХК-д холбогдох захирамжийн "А" ХХК-ийн газартай давхцаж буй хэсгийг хууль бус болохыг тогтоолгох шаардлага гаргасан. АНХАН ШАТ: "А" ХХК-ийн болон "И Х" ХХК-ийн гаргасан шаардлагыг бүхэлд нь хэрэгсэхгүй болгосон. Газрын тухай хуулийн 21.4.3, 32.3, 33.1.2-ыг үндэслэв. ДАВЖ ЗААЛДАХ ШАТ: Нэхэмжлэгч анхан шатны шүүхийн шийдвэрийг эс зөвшөөрч, шүүхээс хуулийн этгээдүүдийн хөрөнгө чинээ, эрх хэмжээгээр ялгаварлаж, нотлох баримтыг бүрэн цуглуулаагүй, хариуцагчийн тайлбарт тулгуурласан гэж гомдол гаргасан.

ҮНДЭСЛЭЛ: Давж заалдах шатны шүүх анхан шатны шүүхийн шийдвэрийг хууль ёсны, үндэслэл бүхий гэж үзэн хэвээр үлдээсэн. "А" ХХК-ийн газар эзэмших эрхийг хүчингүй болгосон захирамж нь газар зохион байгуулалтын төлөвлөгөөнд тусгаагүй, сумын Засаг даргын эрх хэмжээний асуудлыг аймгийн Засаг дарга шийдвэрлэсэн нь Газрын тухай хуулийг зөрчсөн тул өмнөх шийдвэрээ хүчингүй болгосон нь хууль бус үйлдэл биш. Мөн "А" ХХК нь гэрээнд заасан зориулалтын дагуу газрыг эзэмшээгүй, ашиглаагүй нь тогтоогдсон. "И Х" ХХК-д газар олгосон захирамжийн улмаас нэхэмжлэгчийн эрх зөрчигдсөн гэх үндэслэлгүй, учир нь "А" ХХК-ийн газар эзэмших эрх аль хэдийн дуусгавар болсон байжээ. Шүүх нотлох баримтыг бүрэн цуглуулсан.