Тогтоол №1622

ХЭРГИЙН ТАНИЛЦУУЛГА: Нэхэмжлэгчид нь Засгийн газрын тогтоолоор батлагдсан хөтөлбөрүүд болон хамтарсан тушаалыг хэрэгжүүлэхгүй байгаа хариуцагчдын эс үйлдлийг хууль бус болохыг тогтоолгох, хэрэгжүүлэхийг даалгах, мөн зээлийн гэрээний хугацааг сунгуулах шаардлагатай. АНХАН ШАТ: Засгийн газрын тогтоол, тогтоолоор батлагдсан хөтөлбөрүүдийг хэрэгжүүлэхгүй байгаа Сангийн яамны эс үйлдэхүйг хууль бус болохыг тогтоож, хэрэгжүүлэхийг даалгасан. Монгол Улсын Их Хурлын тогтоолыг хэрэгжүүлэхгүй байгаа хариуцагчдын эс үйлдлийг хууль бус болохыг тогтоож, хэрэгжүүлэхийг даалгах нэхэмжлэлийн шаардлагыг хүлээн авахаас татгалзаж, холбогдох хэргийг хэрэгсэхгүй болгосон. ДАВЖ ЗААЛДАХ ШАТ: Нэхэмжлэгчид анхан шатны шийдвэрийг эс зөвшөөрч, Монголбанк болон Сангийн яам нь тогтоол, тушаалыг хэрэгжүүлээгүй, хөтөлбөрийн хүрээнд олгосон зээлийн хугацааг сунгаагүй, бусад аж ахуйн нэгжид хэрэглэсэн хөнгөлөлт, давуу байдлыг нэхэмжлэгчдэд хэрэглээгүй гэх гомдол гаргасан. Сангийн яам нь анхан шатны шийдвэр нь хууль ёсны болон үндэслэлтэй байх шаардлагыг хангаагүй, тогтоол нь хүчингүй болсон учир хэрэгжүүлэхийг даалгах үндэслэлгүй гэж гомдол гаргасан.

ҮНДЭСЛЭЛ: Давж заалдах шатны шүүх нь анхан шатны шүүхийн шийдвэрт өөрчлөлт оруулж, нэхэмжлэгч нарын зарим нэхэмжлэлийн шаардлагыг хэрэгсэхгүй болгон шийдвэрлэсэн. Шүүх нь хүчингүй болсон Засгийн газрын тогтоол, Улсын Их Хурлын тогтоолыг хэрэгжүүлэхгүй байгаа эс үйлдэхүйг хууль бус болохыг тогтоож, хэрэгжүүлэхийг даалгах боломжгүй, мөн гэрээний оролцогч биш болон эрх ашиг нь хөндөгдөөгүй байхад нэхэмжлэлийн шаардлагыг хангах боломжгүй гэж үзсэн.