Тогтоол №7467

ХЭРГИЙН ТАНИЛЦУУЛГА: Иргэн нь өөрийн оршин суух газрын наран талд баригдаж буй 16 давхар барилга нь хот байгуулалтын норм, дүрмийг зөрчсөн, оршин суугчидтай зөвшилцөөгүй, барилга хоорондын зайг хангаагүй хэмээн үзэж, барилгын ажлын зөвшөөрлийг хүчингүй болгуулахаар нэхэмжилжээ. АНХАН ШАТ: Хариуцагч байгууллага нь холбогдох хууль, норм, дүрмийг зөрчөөгүй, нэхэмжлэгчийн тавьсан шаардлага үндэслэлгүй гэж үзэн нэхэмжлэлийг бүхэлд нь хэрэгсэхгүй болгосон.

ҮНДЭСЛЭЛ: Шүүхээс нэхэмжлэгчийн гаргасан "оршин суугчдаас санал аваагүй" гэх шаардлагыг хэлэлцэхэд, холбогдох журмын зохицуулалт нь орон сууцны хороолол дундах барилгажаагүй талбайд хамаарах бөгөөд энэ хэрэгт хөрш залгаа өмчлөлийн нэгж талбар байсан тул нэхэмжлэгчийг буруутгах үндэслэлгүй гэж үзсэн. "Барилга хоорондын зайг зөрчсөн" гэх шаардлагыг хэлэлцэхэд, нэхэмжлэгчийн оршин сууц нь олон нийтийн барилгад хамаарахгүй, харин үйлчилгээ, оффисын барилгатай холбоотой нормууд нь нэхэмжлэгчийн нэхэмжлэлд дурдсан орон сууцны барилгын нормыг зөрчөөгүй, мөн нарны тусгалын нормыг хангаж байсан тул үндэслэлгүй гэж дүгнэсэн. "Нийслэлийн Засаг даргын захирамжийг зөрчсөн" гэх нэхэмжлэлийн үндэслэлд, тухайн газар дээр өмнө нь барилгын төлөвлөлтийн даалгавар олгогдож байсан бөгөөд нэхэмжлэлд энэ үндэслэлээ дурдаагүй, харин хариуцагч байгууллага нь холбогдох хууль, норм, журмыг дагаж мөрдөн ажилласан нь тогтоогдсон тул нэхэмжлэлийг хэрэгсэхгүй болгосон.