Тогтоол №16362

ХЭРГИЙН ТАНИЛЦУУЛГА: Нэхэмжлэгч нь хууль бус захиргааны акт нь өөрийн эрүүл, аюулгүй орчинд амьдрах эрхийг зөрчсөн гэж үзэн барилгын ажлын зөвшөөрлийг хүчингүй болгуулах шаардлага гаргасан. Хариуцагч нь зөвшөөрөл олгохдоо хууль, журмыг мөрдсөн, нэхэмжлэгчийн эрх зөрчигдсөн нь тодорхойгүй гэж маргасан. Гуравдагч этгээд нь нэхэмжлэгч нь нийтийн ашиг сонирхлыг төлөөлөн нэхэмжлэл гаргах эрхгүй, маргаан бүхий акт хууль бус болох нь тогтоогдоогүй гэж үзсэн. АНХАН ШАТ: Нэхэмжлэгчийн нэхэмжлэлийг бүхэлд нь хэрэгсэхгүй болгосон.

ҮНДЭСЛЭЛ: Шүүхээс хэргийг хэлэлцэхэд, нэхэмжлэгчийн оршин суудаг байр нь баригдаж буй барилгаас 21.72-22.16 метрийн зайтай бөгөөд энэ нь орон сууцны барилга хоорондын зайг зохицуулсан нормтой нийцэж байгаа нь тогтоогдсон. Барилга хоорондын зай болон хөршөөс санал авах шаардлага нь нэхэмжлэгчийн маргаж буй нөхцөл байдалд хамаарахгүй байна. Барилгын ажил гүйцэтгэх явцад гарсан гал, кран шүргэх зэрэг зөрчлүүд нь цаг алдалгүй арга хэмжээ авч, нэхэмжлэгчийн эрүүл мэнд, амь нас, эд хөрөнгөд ноцтой сөрөг үр дагавар учруулаагүй байна. Хариуцагчаас гуравдагч этгээдэд олгосон барилгын ажлын зөвшөөрөл нь захиргааны хууль бус үйл ажиллагааны улмаас нэхэмжлэгчийн эрх, хууль ёсны ашиг сонирхлыг зөрчсөн гэх нөхцөл тогтоогдоогүй тул нэхэмжлэлийг хангах боломжгүй.