Тогтоол №3707

ХЭРГИЙН ТАНИЛЦУУЛГА: Төрийн албан хаагчийг албанаас халах захиргааны актыг хүчингүй болгох, урьд эрхэлж байсан албан тушаалд эгүүлэн тогтоох, цалин хөлсийг гаргуулах нэхэмжлэл. АНХАН ШАТ: Нэхэмжлэлийн шаардлагыг бүрэн хангаж, захиргааны актыг хүчингүй болгон, албан тушаалд эгүүлэн тогтоож, цалин хөлс, даатгалын шимтгэлийг гаргуулахаар шийдвэрлэв.

ҮНДЭСЛЭЛ: Нэхэмжлэгч нь ажлын байрны тодорхойлолт болон холбогдох заалтыг зөрчсөн албан бичгийн төсөл боловсруулсан нь хоёр удаагийн зөрчил болсон гэж үзэн байгууллагын дотоод журмыг зөрчсөн, процессын алдаа гаргасан, Засгийн газрын тогтоол, Архивын газрын тушаалыг мөрдөөгүй, Төрийн албаны тухай хууль болон бусад холбогдох хууль, журмыг зөрчсөн гэх үндэслэлээр ажлаас халагдсан. Хариуцагч байгууллага нь нэхэмжлэгч нь ажлын байрны тодорхойлолт, албан үүргээ хангалтгүй биелүүлсэн, албан хэрэг хөтлөлтийн журмыг зөрчсөн, процессын алдаа гаргасан, сахилгын зөрчил үйлдсэн гэж үзэж байсан. Шүүх хэргийг хянан хэлэлцээд, хариуцагч нь нэхэмжлэгчийг ажлаас халахдаа Төрийн албаны тухай хуулийн холбогдох заалтыг баримтлаагүй, Ёс зүйн хорооны дүгнэлтийг харгалзан үзээгүй, төрийн жинхэнэ албан хаагчийн баталгааг хангаагүй хууль бус шийдвэр гаргасан, мөн хөдөлмөрийн дотоод журмыг батлаагүй байхдаа уг журмыг зөрчсөн гэж нэхэмжлэгчид арга хэмжээ авсан нь хууль зүйн үндэслэлгүй, ажлын үр дагаваргүй алдааг хүндрүүлэн үзсэн, жирэмсэн байсан ажилтны эрхийг зөрчсөн, Ёс зүйн хорооны дүгнэлт нь үйлдлийн хэмжээнд тохироогүй, эрх зүйн үндэслэлгүй гэж дүгнэлээ. Ажилгүй байсан хугацааны цалин, олговор, нийгмийн даатгал, эрүүл мэндийн даатгалын шимтгэлийг нөхөн төлүүлэх шаардлага нь хуульд заасан үндэслэлтэй байна.