Тогтоол №17122

ХЭРГИЙН ТАНИЛЦУУЛГА: Компани нь газрын гэрчилгээний хугацааг сунгуулах хүсэлтээ хуульд заасан журмын дагуу гаргаагүй, холбогдох баримтыг бүрдүүлж өгөөгүй гэх үндэслэлээр газар ашиглах эрхийг нь цуцалсан нь хууль бус гэж үзэн, сайдын тушаалыг хүчингүй болгуулах, эрх сунгуулах хүсэлтийг шийдвэрлээгүй сайдын эс үйлдлийг хууль бус болохыг тогтоолгохоор нэхэмжилжээ. АНХАН ШАТ: Газар ашиглах эрхийг сунгуулах хүсэлтийг хуульд заасан журмын дагуу, шаардлагатай баримт бичгийг бүрдүүлэн гаргаагүй тул компанитай холбоотой шийдвэрийг бүхэлд нь хэрэгсэхгүй болгосон.

ҮНДЭСЛЭЛ: Компани нь газрын гэрчилгээний хугацаа дуусахаас өмнө эрх бүхий байгууллагад холбогдох баримтыг хавсарган, хуулийн дагуу сунгах хүсэлт гаргаагүй нь тогтоогдсон. Хугацаа сунгуулах хүсэлт гэж үзэх боломжгүй албан бичгүүдийг гаргасан боловч эрхийн гэрчилгээний хугацаа сунгах журмыг дагаж мөрдөөгүй. Нэхэмжлэгч нь хуульд заасан ажиллагааг хийгээгүй тул нэхэмжлэлийг бүхэлд нь хэрэгсэхгүй болгосон нь үндэслэлтэй.