Тогтоол №1702

ХЭРГИЙН ТАНИЛЦУУЛГА: Нэхэмжлэгч нар нь Монгол банк, Сангийн яам, Хөгжлийн банкны Төлөөлөн удирдах зөвлөлөөс Улсын Их Хурлын тогтоол, Засгийн газрын тогтоол хэрэгжүүлэхгүй байгаа эс үйлдлийг хууль бус болохыг тогтоож, зээлийн авлагыг шилжүүлж, гэрээний хугацааг сунгахыг даалгахыг шаардсан. АНХАН ШАТ: Хариуцагч Монгол банк, Сангийн яам, Хөгжлийн банк нь Улсын Их Хурлын 2015 оны 41 дүгээр тогтоол, Засгийн газрын 2015 оны 280, 320 дугаар тогтоолуудыг хэрэгжүүлэхгүй байгаа эс үйлдлийг нь хууль бус болохыг тогтоож, холбогдох тогтоолуудыг хэрэгжүүлэхийг даалгасан.

ҮНДЭСЛЭЛ: Шүүх хүнсний бараа, бүтээгдэхүүний үнийг тогтворжуулах зорилгоор олгосон зээлийн гэрээний хугацааг сунгах шаардлага үүссэн байдлыг тогтоож, холбогдох Улсын Их Хурлын болон Засгийн газрын тогтоол нь хуульд нийцсэн болохыг үндэслэв. Гэсэн хэдий ч Монгол банк, Сангийн яам, Хөгжлийн банк нь уг тогтоолуудыг бүрэн хэрэгжүүлээгүй нь тогтоогдсон тул нэхэмжлэлийн шаардлагыг хангаж шийдвэрлэв.