Шүүхийн тогтоол #9920

ХЭРГИЙН ТАНИЛЦУУЛГА: Ажилтан хөдөлмөрийн гэрээгээ ноцтой зөрчсөн үндэслэлээр ажлаас халагдсаны улмаас эрх нь хөндөгдсөнд тооцож, ажилд эгүүлэн тогтоолгох, ажилгүй байсан хугацааны олговор, нэмэгдэл гаргуулах, даатгалын шимтгэл нөхөн төлүүлэхээр нэхэмжлэл гаргасан. АНХАН ШАТ: Ажилтныг албан тушаалаа ашиглан бусдаас мөнгө авч завшсан гэх үндэслэлээр хөдөлмөрийн гэрээг нь цуцалсан нь хуульд заасан ноцтой зөрчилд хамаарахгүй, тушаалын үндэслэлээ нотлоогүй тул ажилд эгүүлэн тогтоож, ажилгүй байсан хугацааны цалин хөлстэй тэнцэх олговор гаргуулж, шимтгэл төлүүлэхээр шийдвэрлэсэн. ДАВЖ ЗААЛДАХ ШАТ: Анхан шатны шүүхийн шийдвэрийг хүчингүй болгож, ажилтны нэхэмжлэлийг бүхэлд нь хэрэгсэхгүй болгосон. Ашиг сонирхлын зөрчил үүсч болох этгээдээс мөнгөн шагнал авч хувьдаа ашигласан нь хөдөлмөрийн гэрээ, дотоод журмыг зөрчсөн ноцтой зөрчилд тооцогдоно гэж үзсэн. ХЯНАЛТыН ШАТ: Давж заалдах шатны шүүхийн магадлалыг хэвээр үлдээж, нэхэмжлэгчийн гомдлыг хангахгүй орхисон. Ажилтан нь "Марго констракшн" ХХК-ийн захирлаас багш нарын баярт зориулж 100,000 төгрөгийг хүлээн авч, хувьдаа зарцуулсан нь хөдөлмөрийн гэрээ, дотоод журмыг зөрчсөн ноцтой зөрчилд хамаарна гэж үзсэн. ҮНДЭСЛЭЛ: Ажилтны бусдаас бэлэг авсан үйлдлийг хөдөлмөрийн гэрээний ноцтой зөрчилд тооцсон нь хуульд нийцсэн. Давж заалдах шатны шүүх хэрэгт авагдсан нотлох баримтуудыг зөв үнэлж, хуулийг зөрүүтэй хэрэглээгүй.