Үйл явдал
Компанийн засаглалын дотоод шийдвэр гаргах үйл явц болон шалгуур үзүүлэлт тогтоох эрх чадамжийн талаарх маргаан. Хариуцагч компани Төлөөлөн удирдах зөвлөлийн Нэр дэвшүүлэх хороо нь хараат бус гишүүний нэр дэвшигчийг сонгон шалгаруулахдаа компанийн засаглалын ахисан түвшний сургалтанд хамрагдсан байх гэсэн нэмэлт шалгуур тогтоосон тул нэхэмжлэгч нэр дэвших эрхээ хязгаарлагдсан гэж маргасан.
Талуудын байр суурь
- Нэхэмжлэгч: Нэр дэвшүүлэх хорооны тогтоолоос компани засаглалын шалгуур үзүүлэлтийг хууль бусаар нэмж тусгасан, мөн уг тогтоолоо хүчингүй болгож, нэр дэвшигчийг сонгуулахаар даалгахыг шаардсан.
- Хариуцагч: Нэр дэвшүүлэх хороо нь хараат бус гишүүний шалгуур тогтоох эрхтэй тул дотоод журмын дагуу ажилласан гэж үзсэн.
Шатуудын шийдвэр
Анхан шатны шүүх нэхэмжлэлийг хэрэгсэхгүй болгосон бөгд давж заалдах шат анхан шатны шийдвэрийг хэвээр үлдээсэн. Компанийн засаглалын дотоод шийдвэр гаргах үйл явцад шүүх хөндлөнгөөс оролцох эрх зүйд үндэслэлгүй тул компанийн дотоод тогтоолыг хүчингүй болгох шаардлагыг хэрэгсэхгүй болгосон.
Хууль зүйн гол дүгнэлт
- Компанийн засаглалын дотоод шийдвэр гаргах үйл явцад шүүх хөндлөнгөөс оролцох эрх зүйн үндэслэлгүй тул компанийн дотоод тогтоолыг хүчингүй болгох шаардлагыг хэрэгсэхгүй болгох ёстой (Иргэний хэрэг шүүхэд хянан шийдвэрлэх тухай хууль 60.1).
- Нэр дэвшүүлэх хороо нь хараат бус гишүүний шалгуур үзүүлэлтийг тогтоох нь компанийн засаглалын дотоод хэрэг учраас шүүх хөндлөнгөөс оролцох эрхгүй.