Тогтоол №26675

ХЭРГИЙН ТАНИЛЦУУЛГА: Хувьцаа эзэмшигч хуулийн этгээдийн эзэмшлийн тусгай зөвшөөрлүүдийг бусдад шилжүүлэх, захиран зарцуулах эрхтэй болохыг тогтоолгох, холбогдох баримт бичгийг гаргуулах, баталгаажуулах, нөөц батлуулах, гэрээ хэлцэл хийх эрхтэй болохыг тогтоолгох тухай нэхэмжлэлийн шаардлага. Хариуцагч нь гэрээг хүчин төгөлдөр бусд тооцуулах сөрөг нэхэмжлэлийн шаардлага гаргасан. АНХАН ШАТ: Анхан шатны шүүх нь гэрээг хууль зөрчиж хийсэн хүчин төгөлдөр бус хэлцэл болохыг тогтоож, нэхэмжлэлийн шаардлагыг бүхэлд нь хэрэгсэхгүй болгож, улсын тэмдэгтийн хураамжийн талаар шийдвэрлэсэн. ДАВЖ ЗААЛДАХ ШАТ: Нэхэмжлэгч нь шийдвэрийн үндэслэл бүхэлдээ хуулийн шаардлагыг хангаагүй, нэхэмжлэлийн шаардлагаа нотлох баримтууд байхад үндэслэлгүй дүгнэлт хийсэн гэж гомдол гаргасан. Хариуцагч нь анхан шатны шүүх хуулийг зөв тайлбарлаж хэрэглэсэн, шийдвэр хууль ёсны бөгөөд үндэслэл бүхий гэж тайлбарласан.

ҮНДЭСЛЭЛ: Давж заалдах шатны шүүх анхан шатны шүүхийн шийдвэр хууль ёсны болон үндэслэл бүхий байх шаардлага хангасан гэж үзэж, шийдвэрийг хэвээр үлдээсэн. Шүүх нь ашигт малтмалын тусгай зөвшөөрлийг иргэнд шилжүүлэх, захиран зарцуулах эрх олгосон хэлцэл нь холбогдох хууль тогтоомжид нийцээгүй, улмаар Иргэний хуулийн 56 дугаар зүйлийн 56.1.1-д заасны дагуу хүчин төгөлдөр бус хэлцэлд хамаарна гэж дүгнэсэн. Тусгай зөвшөөрөл эзэмшигч нь хуулийн этгээд байх ёстой бөгөөд иргэний эрх зүйн харилцаанд оролцох боломжгүйг үндэслэжээ.