Тогтоол №26467

ХЭРГИЙН ТАНИЛЦУУЛГА: Зээлдэгч нас барсны даатгалын нөхөн төлбөр гаргуулах тухай нэхэмжлэл. АНХАН ШАТ: Нэхэмжлэлийг бүхэлд нь хэрэгсэхгүй болгосон. Иргэний хуулийн 431 дүгээр зүйл, Даатгалын тухай хуулийн 8 дугаар зүйлийн 8.5.3-т заасан үндэслэлээр шийдвэрлэжээ. ДАВЖ ЗААЛДАХ ШАТ: Нэхэмжлэгчийн өмгөөлөгч нь анхан шатны шүүхийн шийдвэрийг эс зөвшөөрч, гэрээний нөхцөлийг өөрт ашигтайгаар тайлбарласан, Санхүүгийн зохицуулах хорооны шийдвэрийг үл харгалзсан, бизнесийн буруу арга барил гэж гомдол гаргасан. Хариуцагчийн зүгээс гэрээнд заасан нөхцлүүд (ердийн болон архаг өвчин)-ийн улмаас нас барснаас бусад тохиолдлуудад нөхөн төлбөр олгохоос татгалзсан нь хуульд нийцсэн гэж тайлбарласан. Давж заалдах шатны шүүх нэхэмжлэгчийн гомдлыг хангахгүй орхиж, анхан шатны шүүхийн шийдвэрийг хэвээр үлдээсэн.

ҮНДЭСЛЭЛ: Талуудын байгуулсан даатгалын гэрээний 7.3.1-т "Аливаа ердийн болон архаг өвчний улмаас нас барсан тохиолдолд даатгалын нөхөн төлбөр олгохгүй" гэж заасны дагуу, нас барсан шалтгаан нь гэрээнд заасан эдгээр нөхцөлд хамаарч байсан тул даатгагч нөхөн төлбөрөөс татгалзах эрхтэй. Даатгалын гэрээний талууд хуулийн хүрээнд гэрээ байгуулах, түүний агуулгыг тодорхойлох эрхтэй бөгөөд шүүх талуудын тохиролцоонд шууд хөндлөнгөөс оролцох эрхгүй. Санхүүгийн зохицуулах хорооны шийдвэр нь даатгалын компани гэрээ байгуулахдаа журмыг зөрчсөн гэх асуудалтай холбоотой бөгөөд энэ нь гэрээний хүчин төгөлдөр байдалд нөлөөлөөгүй.