Тогтоол №24274

ХЭРГИЙН ТАНИЛЦУУЛГА: Нэхэмжлэгч Ю-ХХК нь гүйцэтгэсэн ажлын төлбөрт 418,557,033 төгрөг гаргуулах, хариуцагч С-ХХК нь гэрээнд заасан хугацаанд ажил гүйцэтгэгч үүргээ биелүүлээгүй, чанаргүй ажил хийсэн, алданги төлөх ёстой хэмээн үзэж 500,097,097 төгрөг гаргуулах сөрөг нэхэмжлэл гаргав. АНХАН ШАТ: Хариуцагч С-ХХК-аас 272,289,249 төгрөг гаргуулж, нэхэмжлэгч Ю-ХХК-д олгож, нэхэмжлэлээс 30,809,784 төгрөг, хариуцагчийн сөрөг нэхэмжлэлийг хэрэгсэхгүй болгов. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, шинжээчийн дүгнэлт үндэслэлгүй, хэрэг хянан шийдвэрлэх ажиллагааны явцад эрх зөрчигдсөн гэх үндэслэлээр анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаав.

ҮНДЭСЛЭЛ: Давж заалдах шатны шүүх анхан шатны шүүхийн шийдвэрийг хүчингүй болгож, хэргийг дахин шийдвэрлүүлэхээр буцаасан. Учир нь шинжээчийн дүгнэлт гаргахдаа хуульд заасан журмыг зөрчсөн, шинжээчээр оролцуулсан этгээдтэй холбоотой баримт хэрэгт авагдаагүй, хариуцагчийн гаргасан зарим хүсэлтийг шүүх шийдвэрлээгүй орхигдуулснаас хэргийн оролцогчийн нотлох баримт бүрдүүлэх эрх зөрчигдсөн гэж үзсэн.