Тогтоол №20508

ХЭРГИЙН ТАНИЛЦУУЛГА: Нэхэмжлэгч нь үл хөдлөх хөрөнгийг барьцаанаас чөлөөлүүлэх, гэрээний үүрэг зөрчсөнөөс учирсан хохирлыг гаргуулах, хариуцагч нь сургалтын төлбөрийг гаргуулах, барьцаа хөрөнгөөр үүргийн гүйцэтгэлийг хангуулах сөрөг нэхэмжлэл гаргасан. АНХАН ШАТ: Барьцаа хөрөнгийг чөлөөлөж, нэхэмжлэлийн гол шаардлагаас бусад хэсгийг хэрэгсэхгүй болгож, сөрөг нэхэмжлэлийг хэрэгсэхгүй болгосон. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, нотлох баримтыг дутуу үнэлсэн, хуулийг буруу тайлбарласан гэх үндэслэлээр гомдол гаргасан. Нэхэмжлэгч нь анхан шатны шүүхийн шийдвэр хууль ёсны үндэслэлтэй тул хэвээр үлдээхээр тайлбар хийсэн.

ҮНДЭСЛЭЛ: Давж заалдах шатны шүүх анхан шатны шүүхийн шийдвэрт өөрчлөлт оруулж, нэхэмжлэгчээс сургалтын төлбөрийн 50%-ийг гаргуулж, үүргийн гүйцэтгэлийг барьцаа хөрөнгөөр хангуулахаар шийдвэрлэсэн. Үүний учир нь хариуцагч байгууллага гэрээний үүргээ зөрчсөн нь тогтоогдоогүй, нэхэмжлэгч гэрээгээр хүлээсэн үүргээ хангалттай биелүүлээгүй, улмаар гэрээний үүрэг биелэгдээгүй, цаашид үргэлжлүүлэх боломжгүй болсон нь тогтоогдсон. Мөн гэрээний үүрэгтэй холбоотой шаардлага гаргах хөөн хэлэлцэх хугацаа дуусаагүй гэж үзсэн.