Тогтоол №16703

ХЭРГИЙН ТАНИЛЦУУЛГА: Орон сууц худалдах, худалдан авах гэрээний үлдэгдэл төлбөр болон алданги гаргуулах, эсхүл гэрээг хүчин төгөлдөр бусд тооцуулах тухай маргаан үүссэн. Нэхэмжлэгч нь гэрээний дагуу үлдэгдэл 18,000,000 төгрөг болон 9,000,000 төгрөгийн алданги, нийт 27,000,000 төгрөг гаргуулахыг шаардсан. Хариуцагч нь байрны гэрчилгээ гаргаж өгөөгүй, гэрээний нөхцөл биелээгүй тул зээлийн гэрээг хүчин төгөлдөр бусд тооцуулахыг шаардсан.

АНХАН ШАТ: Иргэний хуулийн 243 дугаар зүйлийн 243.1, 232 дугаар зүйлийн 232.6, 56 дугаар зүйлийн 56.1.2, 56.1.3-т заалтыг үндэслэн хариуцагч Б.Н-оос 18,000,000 төгрөгийг гаргуулан нэхэмжлэгч Ш.Д-д олгож, нэхэмжлэлийн шаардлагаас 9,000,000 төгрөгт холбогдох хэсэг болон хариуцагч Б.Н-ын сөрөг нэхэмжлэлийг тус тус хэрэгсэхгүй болгосон.

ДАВЖ ЗААЛДАХ ШАТ: Нэхэмжлэгчийн өмгөөлөгч анхан шатны шүүхийн шийдвэртэй холбогдуулан давж заалдах гомдол гаргаж, зээлийн гэрээ нь Иргэний хуулийн 262 дугаар зүйлд заасан зээлээр худалдах, худалдан авах гэрээний шаардлагыг хангаж байгаа бөгөөд алдангийг нэмж гаргуулахаар өөрчлөлт оруулж өгөхийг хүссэн.

ҮНДЭСЛЭЛ: Давж заалдах шатны шүүх анхан шатны шүүхийн шийдвэрийг хэвээр үлдээх нь зүйтэй гэж дүгнэсэн. Талуудын байгуулсан гэрээг Иргэний хуулийн 243 дугаар зүйлийн 243.1 дэх хэсэгт заасан худалдах, худалдан авах гэрээ гэж дүгнэсэн нь зөв. Талууд Иргэний хуулийн 281 дүгээр зүйлийн 281.1 дэх хэсэгт зааснаар зээлийн гэрээ байгуулаагүй, мөн хуулийн 282 дугаар зүйлийн 282.4 хэсэгт зааснаар 18,000,000 төгрөгийн мөнгөн хөрөнгийг хариуцагч Б.Н-од шилжүүлээгүй тул зээлийн гэрээ байгуулагдсан гэж үзэх боломжгүй. Алданги нь үндсэн үүргийн биелэлтийг хангахад чиглэсэн нэмэлт үүрэг болох бөгөөд үндсэн үүрэг үүсээгүй байхад нэмэлт үүрэг үүсэхгүй тул алдангийг гаргуулах тухай нэхэмжлэгчийн өмгөөлөгчийн гомдлыг хангах үндэслэлгүй. Хариуцагч Б.Н- нь орон сууц худалдах, худалдан авах гэрээний үлдэгдэл төлбөр 18,000,000 төгрөгийг нэхэмжлэгч Ш.Д-д төлөөгүй байх тул нэхэмжлэгч нь уг мөнгийг шаардах эрхтэй. Хариуцагч Б.Н- нь байгуулсан зээлийн гэрээг хүчин төгөлдөр бус хэлцэлд тооцуулах тухай сөрөг нэхэмжлэлийг хэрэгсэхгүй болгон шийдвэрлэсэн анхан шатны шүүхийн шийдвэрийг буруутгах үндэслэлгүй.