Тогтоол №16299

ХЭРГИЙН ТАНИЛЦУУЛГА: Нэхэмжлэгч нь зээлийн гэрээний дагуу төлөгдөөгүй үндсэн зээл, хүү, алданги шаардсан. Хариуцагч нь коронавирусын улмаас үүссэн давагдашгүй нөхцлийг үндэслэн алдангиас чөлөөлөгдөх ёстой гэж маргасан. АНХАН ШАТ: Зээлийн гэрээний үүрэг болон хүүгийн төлбөрийг хангаж, алдангийн тодорхой хэсгийг шүүхээс бууруулж шийдвэрлэсэн. ДАВЖ ЗААЛДАХ ШАТ: Нэхэмжлэгч нь алдангийн хэмжээг шүүхээс хэтэрхий их бууруулсан, хариуцагч нь давагдашгүй нөхцөл байдал бий болсон тул алдангиас бүрэн чөлөөлөгдөх ёстой гэж тус тус гомдол гаргасан. Мөн хариуцагчийн итгэмжлэгдсэн төлөөлөгч хурал давхацсан тул хойшлуулах хүсэлт гаргасан боловч шийдвэрлэгдээгүй талаар гомдолтой байв. ҮНДЭСЛЭЛ: Талуудын хооронд байгуулагдсан зээлийн гэрээ болон хуулийн заалтыг үндэслэн анхан шатны шүүхийн шийдвэрийг хэвээр үлдээж, зохигчдын гаргасан давж заалдах гомдлыг хангахгүй орхисон. Давагдашгүй нөхцөл байдал нь гэрээний хугацаа дууссанаас хойш үүссэн бөгөөд гэрээний үүрэг гүйцэтгээгүй үүргийн үнийн дүнгээс алданги тооцох, шүүхээс алдангийн хэмжээг бууруулах эрхтэй гэж үзсэн. Хурал давхацсан тухай гомдлыг хэрэг хянан шийдвэрлэх ажиллагаанд оролцогчийн эрхийг зөрчсөн гэж үзэх боломжгүй гэж дүгнэсэн.