Тогтоол №15689

ХЭРГИЙН ТАНИЛЦУУЛГА: Нэхэмжлэгч нь хариуцагчид 5,000,000 төгрөгийг цалингийн зээл хэлбэрээр шилжүүлсэн боловч хариуцагч мөнгийг эргэн төлөөгүй тул зээлийн үлдэгдэл, хүү, улсын тэмдэгтийн хураамж шаардсан. Хариуцагч нь 2,000,000 төгрөгийг төлсөн, үлдэгдэл 3,000,000 төгрөгийг төлнө, зээлийн хүү, тэмдэгтийн хураамжийг хүлээн зөвшөөрөхгүй гэж маргажээ. АНХАН ШАТ: Хариуцагчаас 5,000,000 төгрөг гаргуулж, нэхэмжлэлийн 1,869,000 төгрөгийг хэрэгсэхгүй болгож, улсын тэмдэгтийн хураамжийн зарим хэсгийг хариуцагчаас гаргуулж нэхэмжлэгчид олгохоор шийдвэрлэжээ. ДАВЖ ЗААЛДАХ ШАТ: Хариуцагч нь 2,000,000 төгрөгийг буцаан өгсөн, 3,000,000 төгрөгийн үлдэгдэлтэй байгаа, нэхэмжлэлийн хүү, тэмдэгтийн хураамжийг хүлээн зөвшөөрөхгүй, оршин суух газраа орхиогүй, эрэн сурвалжлагдаагүй гэж гомдол гаргасан.

ҮНДЭСЛЭЛ: Талуудын хооронд Иргэний хуулийн 281 дүгээр зүйлийн 281.1-т заасан зээлийн гэрээ байгуулагдсан гэж үзэх хууль зүйн үндэслэлтэй. Хариуцагч нь 2,000,000 төгрөг төлсөн, 3,000,000 төгрөг төлөх ёстой гэх үндэслэлээ нотлох баримтаар нотлоогүй. Анхан шатны шүүхийн шийдвэр хууль ёсны, үндэслэл бүхий, хэрэг хянан шийдвэрлэх ажиллагааны журмыг зөрчөөгүй тул хэвээр үлдээжээ.