Тогтоол №15580

ХЭРГИЙН ТАНИЛЦУУЛГА: Нийгмийн даатгалын хэлтэс “М” ХХК-ийг нийгмийн даатгалын шимтгэлийн өр төлбөр 41,657,022 төгрөг гаргуулахаар нэхэмжилжээ. АНХАН ШАТ: Хариуцагчаас нийгмийн даатгалын шимтгэлд 27,771,341 төгрөг, алдангид 13,885,674 төгрөг гаргуулж, нийт 41,657,022 төгрөгийг гаргуулахаар шийдвэрлэжээ. ДАВЖ ЗААЛДАХ ШАТ: Хариуцагч нь нэхэмжлэлийг гаргах эрхгүй этгээд гаргасан, алдангийг хөнгөлөх үндэслэл байгаа гэж гомдол гаргасан. Нийслэлийн Иргэний хэргийн давж заалдах шатны шүүх хариуцагчийн гомдлыг хангахгүй орхиж, анхан шатны шүүхийн шийдвэрийг хэвээр үлдээжээ.

ҮНДЭСЛЭЛ: Хариуцагч нь нийгмийн даатгалын шимтгэлийг хугацаанд нь төлөөгүй нь тогтоогдсон. Нэхэмжлэгчийг төлөөлж гарсан даргын үүргийг түр орлон гүйцэтгэгч нь нэхэмжлэл гаргах үед албан ёсоор бүртгүүлээгүй байсан ч, улсын бүртгэлд бүртгүүлснээс хойш нэхэмжлэл гаргасан нь нэхэмжлэл гаргах эрхийг үгүйсгэх үндэслэл болохгүй. Үйл ажиллагаа явуулаагүй, алдагдалтай ажилласан нь алдангиас чөлөөлөх үндэслэл болохгүй.