Тогтоол №15221

ХЭРГИЙН ТАНИЛЦУУЛГА: Нэхэмжлэгч “Х” ХХК нь хариуцагч Г.Н-, Г.Б- нараас зээлийн гэрээний үүрэгт 30,500,861 төгрөг гаргуулахаар нэхэмжилсэн. Хариуцагчид зээл авсан боловч гэрээний үүргээ бүрэн биелүүлээгүй гэж нэхэмжлэгч үзсэн. Хариуцагчийн төлөөлөгч нь зээлийн хүүгийн тооцоолол болон гэрээний зарим нөхцөл Иргэний хуульд нийцэхгүй, зээлдэгчид хохиролтой гэж маргасан. АНХАН ШАТ: Иргэний хуулийн 451, 452, 453 дугаар зүйлүүдийг үндэслэн хариуцагч нараас 30,500,861 төгрөг гаргуулан нэхэмжлэгч “Х” ХХК-д олгож, улсын тэмдэгтийн хураамжийн зардлыг хариуцагч нараас гаргуулахаар шийдвэрлэсэн. ДАВЖ ЗААЛДАХ ШАТ: Хариуцагч нарын итгэмжлэгдсэн төлөөлөгч анхан шатны шүүх Иргэний хуулийн 200, 216 дугаар зүйлийг буруу тайлбарлаж, шинжээч томилуулах хүсэлтийг хангаагүй, гэрээний стандарт нөхцөл нь шударга бус, зээлдэгчид хохиролтой гэж маргасан. Анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон. ҮНДЭСЛЭЛ: Гэрээний төлбөр төлөх дарааллын талаархи зохицуулалт нь Иргэний хуулийн 216 дугаар зүйлийн 216.4-т заасан үүрэг гүйцэтгэх дарааллаас өөр байсан ч Иргэний хуулийн 189 дүгээр зүйлийн 189.1-д заасан гэрээний чөлөөт байдал, 202 дугаар зүйлийн 202.1-д заасан стандарт нөхцөл хүчин төгөлдөр бус байх хэмжээнд хамаарахгүй гэж үзсэн. Шинжээч томилуулах хүсэлтийг хангахаас татгалзсан нь хууль зөрчөөгүй байна.