Тогтоол №15142

ХЭРГИЙН ТАНИЛЦУУЛГА: Иргэн Б.Д нь нас барсан эцэг Б.Б-ийн улс төрийн хилс хэргээр хэлмэгдэж цагаатгагдсаны улмаас нөхөн олговор 80,000,000 төгрөг гаргуулах тухай нэхэмжлэл гаргасан. АНХАН ШАТ: Нэхэмжлэлийг хэрэгсэхгүй болгосон. Үүнд, хэлмэгдэгч Б.Б-ийн эд хөрөнгө хураалгасан баримтгүй, улмаар түүний хүүхдэд нөхөн олговор олгох үндэслэл тогтоогдоогүй гэж үзсэн. ДАВЖ ЗААЛДАХ ШАТ: Нэхэмжлэгч нь анхан шатны шүүх хуулийг буруу тайлбарлаж, эд хөрөнгө хураалгасан баримт байхгүй гэж дүгнэсэн нь буруу болсон, амь насны эрх зөрчигдсөний улмаас нөхөн олговор нэхэмжилсэн байхад эд хөрөнгө хураалгасан байдалтай холбож дүгнэсэн нь үндэслэлгүй гэж гомдол гаргасан. Давж заалдах шатны шүүх анхан шатны шүүхийн шийдвэр хууль ёсны болон үндэслэл бүхий байх шаардлага хангаагүй, нотлох баримт бүрдүүлэх ажиллагааг дутуу хийсэн гэж үзээд шийдвэрийг хүчингүй болгож, хэргийг дахин шийдвэрлүүлэхээр анхан шатны шүүхэд буцаасан.

ҮНДЭСЛЭЛ: Хэлмэгдэгч Б.Б-ийн эхнэр болон хүүхдэд улсаас орон сууц, гэр олгосон эсэх, эхнэр Цэвээн нас барсан огноо зэргийг тодруулах шаардлагатай. Улсын Комиссын албан бичиг хэргийн үйл баримтыг эргэлзээгүй нотолсон баримт биш. Нотлох баримт бүрдүүлэх ажиллагаа дутуу хийгдсэн тул хэргийг дахин шийдвэрлүүлэхээр буцаах нь зүйтэй.