Тогтоол №10653

ХЭРГИЙН ТАНИЛЦУУЛГА: Нэхэмжлэгч “Н” ХХК нь “Б” ХХК-ийн эсрэг түрээсийн гэрээний үүрэг, алданги, учирсан хохирол гаргуулах нэхэмжлэл гаргасан. Хариуцагч “Б” ХХК нь гэрээний үүргийн торгууль гаргуулах сөрөг нэхэмжлэл гаргасан. АНХАН ШАТ: Анхан шатны шүүхээс “Б” ХХК-ийг 56,298,600 төгрөгийг “Н” ХХК-д төлж, бусад шаардлагыг хэрэгсэхгүй болгож, “Н” ХХК-ийг 27,657,000 төгрөгийг “Б” ХХК-д төлж, талууд хоорондоо улсын тэмдэгтийн хураамж төлж шийдвэрлэсэн. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч анхан шатны шүүхийн шийдвэр нь хэрэг хянан шийдвэрлэх ажиллагааны журмыг зөрчсөн, нотлох баримтыг үнэн зөв үнэлээгүй, хэргийн оролцогчийн эрхийг хангаагүй гэж үзэн, тодорхой хэсгийг нь хүчингүй болгож өгөхийг хүсэв. ҮНДЭСЛЭЛ: Давж заалдах шатны шүүхээс анхан шатны шүүх хэрэг хянан шийдвэрлэх ажиллагааны журмыг зөрчсөн, хэргийн оролцогчийн эрхийг бүрэн хангаагүй, мэтгэлцэх зарчмыг хэрэгжүүлээгүй, гэрчүүдийн мэдүүлгийг хуульд заасан журмын дагуу үнэлээгүй гэж дүгнэн, анхан шатны шүүхийн шийдвэрийг хүчингүй болгож, хэргийг дахин шийдвэрлүүлэхээр анхан шатны шүүхэд буцаахаар шийдвэрлэсэн.