Тогтоол №126701

ХЭРГИЙН ТАНИЛЦУУЛГА: Компанийн хувьцаа эзэмшигчийн хувийн хөрөнгөөс компанийн өрийг гаргуулах ажиллагаа нь Компанийн тухай хуулийн холбогдох заалтыг зөрчсөн эсэх, мөн хуулийн этгээдийн данснаас хасалт хийх, данс битүүмжлэх шийдвэрийг хүчингүй болгуулах тухай нэхэмжлэл гаргажээ. Нэхэмжлэгч нь Компанийн тухай хуулийн 9.3-р зүйлийг үндэслэн хувьцаа эзэмшигч нь зөвхөн өөрийн эзэмшлийн хувьцааны хэмжээгээр хариуцлага хүлээдэг, өөрөөр хариуцлага хүлээхгүй гэж маргажээ. Хариуцагч тал нь хувьцаа эзэмшигчийн компанид оруулсан хөрөнгө нь хувийн хөрөнгөөс нь зааглагдаагүй гэх үндэслэлээр хувьцаа эзэмшигчийн бүх эд хөрөнгөөр компанийн өрийг давхар хариуцуулж байгаагаа тайлбарласан.

АНХАН ШАТ: Шүүх нэхэмжлэлийн шаардлагыг хангаж, Компанийн тухай хуулийн 9.3-р зүйлийг зөрчсөн гэх үндэслэлээр шийдвэр гүйцэтгэгчийн данснаас хасалт хийх, данс битүүмжлэх тухай тогтоолыг хүчингүй болгосон.

ҮНДЭСЛЭЛ: Компанийн хуулийн 9.3-р зүйлд зааснаар хувьцаа эзэмшигч нь компанийн хүлээх үүргийг зөвхөн өөрийн эзэмшлийн хувьцааны хэмжээгээр хариуцлага хүлээнэ. Нэхэмжлэгч нь компанийн 2,500,000 төгрөгийн хувьцааг 100 хувь эзэмшдэг болох нь тогтоогдсон. Шийдвэр гүйцэтгэгч нь хувьцаа эзэмшигчийн компанид оруулсан хөрөнгө нь хувийн хөрөнгөөс зааглагдаагүй болохыг нотлох баримт гаргаж, зохих ажиллагаа хийгээгүй байхад хувьцаа эзэмшигчийн данснаас хасалт хийх, данс битүүмжлэх тогтоол гаргасан нь хууль зөрчсөн байна. Хуулийн этгээдийн данснаас хасалт хийх, данс битүүмжлэх тогтоол нь Шүүхийн шийдвэр гүйцэтгэх тухай хуулийн заалтыг зөрчсөн нь тогтоогдсон.