ХЭРГИЙН ТАНИЛЦУУЛГА: Нэхэмжлэгч байгууллага нь харуул хамгаалалтын ажилтны ажлын хариуцлагагүй байдлаас болж учирсан гэм хорын хохирлыг гаргуулахаар нэхэмжилжээ. Хариуцагч нь ажлаа хийх явцад гэм буруугүй, хохирол учруулаагүй гэж маргав. АНХАН ШАТ: Нэхэмжлэлийн шаардлагыг бүхэлд нь хангахаас татгалзаж, хэрэгсэхгүй болгожээ.
ҮНДЭСЛЭЛ: Байгууллага нь ажилтан ажлын хариуцлага алдсанаас учирсан хохирлыг Иргэний хуулийн 498.5-д заасны дагуу гаргуулах үндэслэлгүй, учир нь ажилтан шууд санаатай, илтэд болгоомжгүй үйлдлээр гэм хор учруулсан нь тогтоогдоогүй бөгөөд байгууллага өөрт учирсан хохирлыг арилгасан нь нотлогдоогүй байна.