Тогтоол №124665

ХЭРГИЙН ТАНИЛЦУУЛГА: Түрээсийн гэрээ байгуулах урьдчилгаа болон гэрээнээс үүссэн хохирлын төлбөрийг гаргуулах тухай нэхэмжлэл гаргажээ. Хариуцагч "Н" ХХК нь гэрээ байгуулах эрхгүй этгээдтэй гэрээ байгуулсан, мөнгийг компани аваагүй, хувь хүн хоорондоо шилжүүлсэн гэж маргасан. Хариуцагч А.З нь гэрээ байгуулах эрхээ худалдсан, түрээсийн төлбөрийг бүрэн төлсөн, мөнгө аваагүй гэж маргасан.

АНХАН ШАТ: Хариуцагч "Н" ХХК-с 94,360,274 төгрөг гаргуулж, нэхэмжлэлийн үлдэх 9,139,726 төгрөг болон А.З-т холбогдох 2,500,000 төгрөг гаргуулах тухай шаардлагыг хэрэгсэхгүй болгосон.

ҮНДЭСЛЭЛ: Шүүх "Н" ХХК-ийн гүйцэтгэх захирал эрх бүхий этгээдээр гэрээ байгуулсан, гэрээ нь хүчин төгөлдөр болохыг тогтоосон. Гэрээнээс татгалзсантай холбогдуулан учирсан хохиролд тооцож, гэрээ байгуулах зорилгоор эрх худалдан авахад төлсөн 87,500,000 төгрөгийг "Н" ХХК-с гаргуулах үндэслэлтэй гэж үзсэн. Засвар, тоног төхөөрөмжийн зардалд 6,860,274 төгрөгийг "Н" ХХК-с гаргуулах, 4,530,100 төгрөгт холбогдох хэсгийг хэрэгсэхгүй болгосон. А.З-т холбогдох 2,500,000 төгрөгийг нотлогдоогүй үндэслэлгүй гэж хэрэгсэхгүй болгосон.