Тогтоол №9541

ХЭРГИЙН ТАНИЛЦУУЛГА: Эрх бүхий албан тушаалтнууд болон бусад этгээдүүд бүлэглэн, албан тушаалаа урвуулан ашиглаж, хуурамч бичиг баримт бүрдүүлж, тендерийн үйл ажиллагаанд хууль бусаар оролцож, улсад онц их хэмжээний хохирол учруулсан хэрэг. АНХАН ШАТ: Д.Э, А.Г нарыг албан тушаалаа урвуулан ашиглаж улсад их хэмжээний хохирол учруулсан, П.Б, Ц.Д нарыг хамжигчаар оролцсон хэмээн үзэж, П.Б-г 3 жил хорих ял шийтгэж, 5 жилээр эрх хасч, 300 сая төгрөгийг гаргуулахаар шийдвэрлэсэн. Бусад шүүгдэгч нарын хэргийг хэрэгсэхгүй болгосон. ДАВЖ ЗААЛДАХ ШАТ: Шүүгдэгч нар хөөн хэлэлцэх хугацаа, буруу хууль хэрэглэсэн, шийтгэх тогтоол үндэслэлгүй зэрэг үндэслэлээр гомдол гаргасан. Прокурор анхан шатны тогтоолын зарим заалт хуульд нийцээгүй, хохирлыг хувь тэнцүүлж гаргуулах, хэргийг буцаан хэлэлцүүлэх саналтай байсан. ҮНДЭСЛЭЛ: Анхан шатны шүүхээс шүүгдэгч Д.Э, А.Г нарыг албан тушаалаа урвуулан ашиглаж хохирол учруулсан, П.Б, Ц.Д нарыг хамжигчаар оролцсон гэж үзсэн үндэслэл нь тогтоогдоогүй. Тендерийн үнэлгээний хороо, худалдан авах ажиллагааны явцад хууль зөрчсөн, тоног төхөөрөмжийн үнэлгээ, хохирлын хэмжээг тогтооход бодит байдал, шалтгаант холбоо, харилцан хамаарлыг хангалтгүй тогтоосон тул анхан шатны шийтгэх тогтоолыг хүчингүй болгож, хэргийг Нийслэлийн прокурорт буцаахаар шийдвэрлэсэн.