Тогтоол №8680

ХЭРГИЙН ТАНИЛЦУУЛГА: Иргэн Б.У- нь бусдыг залилан мэхэлж, их хэмжээний хохирол учруулсан хэргээр яллагдаж, анхан шатны шүүхээр шийтгүүлсэн. Шүүгдэгч өөрийгөө гэм буруутайд тооцоогүй, буруутай үйлдлээ хүлээгээгүй байна. АНХАН ШАТ: Шүүгдэгч Б.У-г залилангийн гэмт хэрэг үйлдсэн гэм буруутайд тооцож, Эрүүгийн хуулийн холбогдох зүйл, хэсэгт зааснаар 2 жилийн хорих ял оногдуулж, өмнөх эдэлж эхлээгүй үлдсэн ялтай нэгтгэн нийт 4 жилийн хорих ял эдлүүлэхээр шийдвэрлэсэн. Мөн хохирогчийн нэхэмжилсэн 14.930.682 төгрөгийг гаргуулж өгөхөөр шийдвэрлэсэн. ДАВЖ ЗААЛДАХ ШАТ: Шүүгдэгч Б.У- нь анхан шатны шүүхийн шийдвэрийг эс зөвшөөрч, өөрийн гэм бурууг үгүйсгэж, бодит байдлыг зөв тодруулаагүй, хохирлыг буруу тооцсон хэмээн давж заалдах гомдол гаргасан. Хохирогч болон түүний өмгөөлөгч нь анхан шатны шүүхийн шийдвэрийг хэвээр үлдээхийг хүссэн. Прокурор нь хэргийн бодит байдал, хохирлын хэмжээг зөв тогтоосон гэж үзэн шийтгэх тогтоол хэвээр үлдээхийг санал болгосон.

ҮНДЭСЛЭЛ: Давж заалдах шатны шүүх хэргийг бүхэлд нь хянан үзээд, анхан шатны шүүх нотлох баримтуудыг зөв үнэлж, гэм буруугийн асуудлыг зөв шийдвэрлэсэн, мөн ял оногдуулахдаа хуулийг зөрчөөгүй, хохирлыг барагдуулах асуудлыг Иргэний хуульд нийцүүлэн шийдвэрлэсэн гэж дүгнэн, шүүгдэгчийн давж заалдах гомдлыг хэрэгсэхгүй болгож, анхан шатны шүүхийн шийтгэх тогтоолыг хэвээр үлдээсэн. Шүүхийн шийтгэх тогтоолын удиртгал хэсэгт техникийн шинжтэй алдаа гаргасныг анхааруулж тэмдэглэв.