Тогтоол №5644

ХЭРГИЙН ТАНИЛЦУУЛГА: Согтуугаар тээврийн хэрэгсэл жолоодож, хүний амь насыг хохироосон хэргээр шүүгдэгч Ц.Б-д холбогдох эрүүгийн хэргийг анхан шатны шүүх хэлэлцэж, сэтгэцийн хувьд хэрэг хариуцах чадваргүй болсон үндэслэлээр хэргийг хэрэгсэхгүй болгон эмнэлгийн чанартай албадлагын арга хэмжээ хэрэглэж, иргэний нэхэмжлэлийг шийдвэрлэжээ. Шүүгдэгчийн өмгөөлөгч болон прокурор анхан шатны шүүхийн шийдвэрт давж заалдах гомдол, эсэргүүцэл гаргасан. АНХАН ШАТ: Шүүгдэгч Ц.Б-г Эрүүгийн хуулийн тусгай ангийн 27.10 дугаар зүйлийн 4.1-д заасан гэмт хэрэгт буруутгаж, гэмт хэрэг үйлдсэний дараа сэтгэцийн хувьд хэрэг хариуцах чадваргүй болсныг тогтоож, хэргийг хэрэгсэхгүй болгон Эрүүгийн хуулийн ерөнхий ангийн 7.4 дүгээр зүйлийн 1-д зааснаар эмнэлгийн чанартай албадлагын арга хэмжээ хэрэглэж, нэхэмжлэлийг шийдвэрлэжээ. ДАВЖ ЗААЛДАХ ШАТ: Шүүгдэгчийн өмгөөлөгч нь шүүгдэгчийг гэм буруутайд тооцсон нь үндэслэлгүй, нотлох баримтууд эргэлзээтэй, хууль бус гэж үзэн хэргийг хэрэгсэхгүй болгож цагаатгахыг шаарджээ. Дээд шатны прокурор нь анхан шатны шүүхийн шийтгэх тогтоолд өөрчлөлт оруулах нь зүйтэй гэж үзжээ. Давж заалдах шатны шүүх хэргийг бүхэлд нь хянаж үзээд, хэргийн бодит байдлыг тогтооход Эрүүгийн хэрэг хянан шийдвэрлэх тухай хуулийг зөрчсөн, гэрч нарын мэдүүлэгт эргэлзээтэй байдал байгаа, шинжээчийн дүгнэлтгүйгээр шийдвэрлэсэн зэрэг үндэслэлээр анхан шатны шүүхийн шийтгэх тогтоолыг хүчингүй болгон хэргийг дахин хэлэлцүүлэхээр анхан шатны шүүхэд буцаахаар шийдвэрлэжээ. ҮНДЭСЛЭЛ: Шүүх хэргийн бодит байдлыг талуудын мэтгэлцээний үндсэн дээр тогтоох бөгөөд нотлох баримтуудыг тал бүрээс нь бүрэн бодитойгоор шалгаж хянаснаар хэргийн бодит байдлыг тогтоох үүрэгтэй. Гэрч нарын мэдүүлгийн зөрүү, эргэлзээтэй байдал, шинжээчийн дүгнэлтгүйгээр шийдвэрлэсэн нь шүүхийн шийдвэрийн хууль ёсны байдалд нөлөөлөхөөр байжээ.