Тогтоол №5407

ХЭРГИЙН ТАНИЛЦУУЛГА: Согтуугаар биед нь хүнд хохирол учруулсан хэрэгт холбогдсон хүндэтгэх, хөнгөрүүлэх нөхцөл байдлыг харгалзаагүй, нотлох баримтыг буруу үнэлсэн гэсэн үндэслэлээр анхан шатны шүүхийн шийтгэх тогтоолыг эс зөвшөөрч давж заалдах гомдол гаргасан. АНХАН ШАТ: Хүний эрүүл мэндэд хүнд хохирол санаатай учруулсан хэргээр 2 жилийн хорих ялаар шийтгэсэн. ДАВЖ ЗААЛДАХ ШАТ: Шүүгдэгч болон түүний өмгөөлөгчөөс гомдол гаргасан. Гомдлын шалтгаан нь хэргийн бодит байдалтай шүүхийн тогтоол нийцээгүй, хохирогч группийн гэмтэлтэй эсэх нь нотлогдоогүй байхад хүндрүүлэн үзсэн, гэрчийн мэдүүлгийг үгүйсгэсэн үндэслэлгүй, хөнгөрүүлэх нөхцөл байдлыг харгалзаагүй, ялыг торгуулиар солих хүсэлт гаргасан. Хохирогч болон прокурор анхан шатны шүүхийн шийтгэх тогтоолыг хэвээр үлдээхийг хүссэн.

ҮНДЭСЛЭЛ: Давж заалдах шатны шүүх хэргийг бүхэлд нь хянан үзээд, хохирогч Ч.Батжаргал, Д.П нар бүлэглэн зодож хүнд, хөнгөн хохирол учруулсан эсэх үйл баримтыг бүрэн шалгаж тогтоогоогүй, Ч.Батжаргалд холбогдох хэргийг хэрэгсэхгүй болгож шийдвэрлэсэн нь хууль зүйн үндэслэлгүй, мөрдөн шалгах ажиллагааны явцад нотолбол зохих байдлыг нотлоогүй, шүүхийн тогтоол гаргахад ач холбогдолтой байж болох бүхий л үйл баримтыг бүрэн шалгаагүй, хохирогчийн хохирлыг зайлшгүй тогтоогоогүй байх тул анхан шатны шүүхийн шийтгэх тогтоолыг хүчингүй болгож, хэргийг урьдчилсан хэлэлцүүлэг явуулахаар буцаахаар шийдвэрлэсэн.