Тогтоол №5142

ХЭРГИЙН ТАНИЛЦУУЛГА: Хуурч мэхлэх, итгэл эвдэх аргаар бусдад онц их хэмжээний хохирол учруулсан хэрэгт холбогдох шүүгдэгч Б.С-, Л.Н- нарт Дархан-Уул аймгийн Прокурорын газраас 2002 оны Эрүүгийн хуулийн 148 дугаар зүйлийн 148.4-т зааснаар яллах дүгнэлт үйлдсэн. АНХАН ШАТ: Анхан шатны шүүхээс Б.С-г 2002 оны Эрүүгийн хуулийн 148.3-т зүйлчилж, Өршөөл үзүүлэх тухай хуулиар хэргийг хэрэгсэхгүй болгож, Л.Н-г 2015 оны Эрүүгийн хуулийн 17.3 дугаар зүйлийн 2.2-т зүйлчилж 2 жил 6 сар хорих ял оногдуулсан. ДАВЖ ЗААЛДАХ ШАТ: Анхан шатны шүүхийн шийтгэх тогтоолыг эс зөвшөөрч шүүгдэгч, хохирогч, өмгөөлөгчид давж заалдах гомдол, прокурор эсэргүүцэл гаргасан. Давж заалдах шатны шүүх нь прокурорын эсэргүүцлийг хүлээн авч, анхан шатны шүүхийн шийтгэх тогтоолыг хүчингүй болгож, хэргийг анхан шатны шүүхийн урьдчилсан хэлэлцүүлэгт буцаахаар шийдвэрлэсэн.

ҮНДЭСЛЭЛ: Анхан шатны шүүх Б.С-д холбогдох хэргийг Өршөөл үзүүлэх тухай хуулиар хэрэгсэхгүй болгохдоо хуулийг буруу тайлбарлаж хэрэглэсэн гэх прокурорын эсэргүүцэл хууль зүйн үндэслэлтэй байсан тул энэ үндэслэлээр шийтгэх тогтоолыг хүчингүй болгож, хэргийг урьдчилсан хэлэлцүүлэгт буцаасан.