Тогтоол №3778

ХЭРГИЙН ТАНИЛЦУУЛГА: Мансууруулах бодисыг хууль бусаар худалдах зорилгогүйгээр олж авч, хадгалсан, хилээр нэвтрүүлсэн хэрэг. АНХАН ШАТ: Хууль бусаар олж авч, хадгалсан, хилээр нэвтрүүлсэн гэм буруутайд тооцож, нийт 6 жилийн хорих ял оногдуулж, чанга дэглэмтэй хорих ангид эдлүүлэхээр шийдвэрлэсэн. ДАВЖ ЗААЛДАХ ШАТ: Шүүгдэгч болон түүний өмгөөлөгч оногдуулсан ялыг хөнгөрүүлэх, шинэ хуулийг буцаан хэрэглэх, ялын хэмжээг багасгах, нээлттэй хорих ангид эдлүүлэхээр давж заалдсан.

ҮНДЭСЛЭЛ: Эрүүгийн шинэ хуульд заасны дагуу шүүгдэгчийн эрх зүйн байдлыг дээрдүүлсэн хуулийг буцаан хэрэглэх, оногдуулсан ялыг хөнгөрүүлэх нь зүйтэй. Шинэ хуульд заасан ялын хэмжээг багасгаж, баривчлах ялаас чөлөөлж, хорих ялыг 2 жил 8 сар 22 хоногоор тогтоож, нээлттэй хорих байгууллагад эдлүүлэхээр шийдвэрлэсэн.