Тогтоол №2361

ХЭРГИЙН ТАНИЛЦУУЛГА: Бусдыг залилан мэхэлж, орон сууц худалдах, худалдан авах гэрээг хуурамчаар үйлдэн, хууль бусаар өмчлөх эрхийг шилжүүлэн, улмаар бусдад их хэмжээний хохирол учруулсан гэх хэрэгт Б.А-, С.Д-, С.О- нар холбогджээ. АНХАН ШАТ: Анхан шатны шүүх Б.А-г 10 жил, С.Д-, С.О-г тус бүр 5 жил 10 хоногийн хорих ялаар шийтгэж, хохирлыг барагдуулахаар шийдвэрлэсэн боловч зарим үйлдлийг хэрэгсэхгүй болгож, оногдуулсан ялыг өршөөснөөр оногдуулсан байна. ДАВЖ ЗААЛДАХ ШАТ: Ялтны өмгөөлөгчид болон прокурор анхан шатны шүүхийн шийдвэрийг эс зөвшөөрч, хэргийн зүйлчлэл, нотлох баримтын үнэлгээ, Эрүүгийн хуулийг буруу хэрэглэсэн зэрэг үндэслэлээр давж заалдах гомдол, эсэргүүцэл гаргажээ.

ҮНДЭСЛЭЛ: Давж заалдах шатны шүүх анхан шатны шүүхийн шийдвэрийг хууль ёсны ба үндэслэлтэй байх шаардлагыг хангаагүй, хэргийн бодит байдалтай нийцээгүй, зөвхөн шүүгдэгч нарын мэдүүлгийг үндэслэсэн, нотлох баримтыг үгүйсгэсэн үндэслэлээ тайлаагүй, Эрүүгийн байцаан шийтгэх хуулийг ноцтой зөрчсөн хэмээн үзэж, хэргийг анхан шатны шүүхээр дахин хэлэлцүүлэхээр буцаажээ.