Үйл явдал
Шүүхийн шийдвэр, тэмдэглэл дэх хууль хэрэглээний зөрчил болон эрх зүйн баримт бичгийн хэл, бүтэц, шаардлагыг хангахгүй байх асуудал. Шүүгдэгч нь цахим орчноор мэхэлж, олон тооны хохирогтой ашиг олсон гэж анхан шатны шүүхээс торгох ял оногдуулсан бөгөөд прокурор уг шийдвэрийг үндэслэлгүй гэж эсэргүүцсэн байна.
Талуудын байр суурь
- Шүүгдэгч: өөрийн үйлдлийг залилал гэж үзэхгүй, барааг хүлээн авч иргэдэд хүлээлгэж өгдөг үйлчилгээ үзүүлдэг гэж бусдын эзэмшил, өмчлөлийн эд хөрөнгийг авч залилсан гэх буруутай гэж үзэхгүй.
- Прокурор: анхан шатны шүүхийн шийдвэр үндэслэлгүй, хуулийн шаардлагад нийцээгүй тул хүчингүй болгох ёстой гэж үзсэн.
Шатуудын шийдвэр
Анхан шатны шүүх шүүгдэгчийг торгох ял оногдуулсан бөгөөд давж заалдах шатны шүүх уг шийтгэх тогтоолыг хүчингүй болгосон. Шүүхийн шийдвэр хүчингүй болсон, учир нь шийтгэх тогтоолт шүүхийн тамга дарагдаагүй, шүүх хуралдааны тэмдэглэлд даргалагчийн гарын үсэг зурагдаагүй, огноо зөрүүтэй байсан тул энэ нь эрх зүйн баримт бичгийн хэл, бүтэц, шаардлагыг хангаагүй байна.
Хууль зүйн гол дүгнэлт
- Шүүхийн шийдвэр нь бүрэлдэхүүний шүүгч гарын үсэг зурж, тухайн шүүхийн тамга дарагдсан байх ёстой тул тамга дарагдаагүй шийтгэх тогтоол нь эрх зүйн баримт бичиг гэж үзэх боломжгүй (Шүүхийн тухай хууль 22.1).
- Шүүх хуралдааны тэмдэглэлд даргалагч, нарийн бичгийн дарга гарын үсэг зураагүй, тамга дарагдаагүй байх нь хуралдааны үйл явцыг бүрэн бэхжүүлсэн нотлох баримт болохгүй тул хэрэг хянан шийдвэрлэх ажиллагааны зөрчил юм (Эрүүгийн хэрэг хянан шийдвэрлэх тухай хууль 11.7).
- Шүүхийн шийдвэрт нөлөөлөхүйц хууль хэрэглээний зөрчил, шүүхийн шийдвэрт нөлөөлөхүйц нотлох баримтын зөрүү байгаа тохиолдолд давж заалдах шатны шүүхээс хэргийг засаж, залруулах боломжгүй тул анхан шатны шийдвэрийг хүчингүй болгох ёстой (Эрүүгийн хэрэг хянан шийдвэрлэх тухай хууль 39.8).