Тогтоол №17221

ХЭРГИЙН ТАНИЛЦУУЛГА: Яллагдагч П.Б нь иргэн Б.Н-ын 54 тооны хонийг тасарч алдагдсан болохыг мэдсээр байж завшиж, 17,280,000 төгрөгийн хохирол учруулсан гэмт хэрэгт холбогдсон. АНХАН ШАТ: Эрүүгийн хэрэг хянан шийдвэрлэх тухай хуулийн 17.4, 33.3 дугаар зүйлийн заалтуудад тулгуурлан, яллагдагч П.Б-ын хэргийг хангалттай нотлогдоогүй үндэслэлээр прокурорт буцаасан. ДАВЖ ЗААЛДАХ ШАТ: Прокурор хэргийг прокурорт буцаасныг эс зөвшөөрч, алдуул мал байсан нь хангалттай нотлогдоогүй гэсэн үндэслэлээр эсэргүүцэл гаргасан. Өмгөөлөгч нь мөн анхан шатны шүүхийн шийдвэрийг эс зөвшөөрч, хэргийг буцаах шаардлагагүй гэж үзсэн.

ҮНДЭСЛЭЛ: Анхан шатны шүүх Эрүүгийн хэрэг хянан шийдвэрлэх тухай хуулийн 16.2 дугаар зүйлийн 2 дахь хэсэгт заасан нотолбол зохих байдлыг хангалттай шалгаж тодруулаагүй гэсэн үндэслэлээр хэргийг прокурорт буцаасан нь зөв байна. Хохирогч болон гэрчийн мэдүүлгүүдээр яллагдагчийн завшсан гэх 54 тооны хонь нь алдуул мал байсан гэдэг нь хангалттай нотлогдоогүй, мөн хохирогч мал алдагдсанаа орон нутгийн болон цагдаагийн байгууллагад мэдэгдсэн нь тогтоогдоогүй зэргээс үзэж, анхан шатны шүүхийн дүгнэлтийг үндэслэлтэй гэж үзэн, прокурорын эсэргүүцэл болон өмгөөлөгчийн гомдлыг хэрэгсэхгүй болгож, анхан шатны шүүхийн захирамжийг хэвээр үлдээсэн.