Тогтоол №15733

ХЭРГИЙН ТАНИЛЦУУЛГА: Анхан шатны шүүхээс албан тушаалаа урвуулан ашигласан, хуурамч баримт бичиг үйлдсэн гэм буруутайд тооцсон шүүгдэгч нарын хэрэг. АНХАН ШАТ: Албан тушаалаа урвуулан ашигласан хэрэгт албан тушаал эрх эдэлж байсан этгээдийг 3 жил нийтийн албанд томилогдох эрхийг хасаж, мөнгөөр торгох, хуурамч баримт үйлдсэн этгээдийг 3 жил нийтийн албанд томилогдох эрхийг хасаж, мөнгөөр торгох ялаар тус тус шийтгэсэн. ДАВЖ ЗААЛДАХ ШАТ: Прокурор болон шүүгдэгчийн өмгөөлөгч нар анхан шатны шүүхийн шийтгэх тогтоолыг эс зөвшөөрч гомдол гаргасан. Шүүгдэгчийн өмгөөлөгч нь Эрүүгийн хуулийг буруу хэрэглэсэн, ял оногдуулсан нь үндэслэлгүй гэж үзсэн. Прокурор нь Эрүүгийн хуулийг буруу хэрэглэсэн, хэргийн зүйлчлэлийг хөнгөрүүлсэн нь хууль зүйн үндэслэлгүй гэж үзсэн.

ҮНДЭСЛЭЛ: Давж заалдах шатны шүүхээс анхан шатны шүүхийн шийтгэх тогтоолд өөрчлөлт оруулж, хуурамч баримт үйлдсэн хэмээн хэргийг нь шийтгэсэн этгээдийг цагаатгаж, албан тушаалаа урвуулан ашигласан этгээдийн шийтгэх тогтоолын зарим хэсгийг хэвээр үлдээхээр шийдвэрлэсэн. Хуурамч баримт үйлдсэн хэмээн хэргийг нь шийтгэсэн этгээдийн үйлдэл нь Эрүүгийн хуулийн тусгай ангид заасан гэмт хэргийн шинжийг хангаагүй, албан тушаалаа урвуулан ашиглах гэмт хэрэгт хамтран оролцсон гэх үндэслэл тогтоогдоогүй гэж үзсэн.